ତାଳଚେର – ଅନୁଗୁଳ ଜିଲ୍ଲା ତାଳଚେର ଭୁବନେଶ୍ଵରୀ କୋଇଲା ଖଣି କୋଲକରିଡର ରାସ୍ତାରେ ଜଣଙ୍କୁ ଧକ୍କା ଦେଇ ପୋଲ ଉପରେ ଝୁଲି ରହିଲା ଟ୍ରକ । ଧକ୍କା ଦେଇଥିବା ବ୍ୟକ୍ତିଙ୍କର ପୋଲ ତଳେ ପଡି ମୃତ୍ୟୁ ଘଟିଛି । ଦୁର୍ଘଟଣା ଘଟାଇ ଟ୍ରକ ଡ୍ରାଇଭର ଫେରାର ହୋଇଯାଇଥିବା ଜଣାପଡିଛି । ମୃତକ ଜଣକ ହେଲେ ଯାଜପୁର ଅଞ୍ଚଳର ଦୁଖବନ୍ଧୁ ସାହୁ । ସେ ଅନ୍ୟ ଏକ ଟ୍ରକର ଡ୍ରାଇଭର ଥିବା ଜଣାପଡିଛି ।
ସୂଚନା ଅନୁସାରେ ଦୁଖବନ୍ଧୁ ଭୁବନେଶ୍ଵରୀ କୋଲ କରିଡ଼ର ରାସ୍ତାର ପୋଲ ଉପରେ ଅପରାହ୍ନରେ ବସିଥିଲେ । ଏତିକି ବେଳେ ଭାରସାମ୍ୟ ହରାଇ ଏକ କୋଇଲା ବୋଝେଇ ଟ୍ରକ ତାଙ୍କୁ ଧକ୍କା ଦେବା ଫଳରେ ସେ ପୋଲ ତଳକୁ ଖସି ପଡିଥିଲେ । ସେହିଠାରେ ହିଁ ତାଙ୍କର ମୃତ୍ୟୁ ହୋଇଥିଲା । ସେପଟେ ଢାକା ଦେଇ ପୋଲ ଉପରେ ଟ୍ରକଟି ଝୁଲି ରହିଥିଲା । ଘଟଣା ସ୍ଥଳରେ ତାଳଚେର ପୁଲିସ ପହଁଚି ଟ୍ରକଟିକୁ ଜବତ କରିବା ସହ ଘଟଣାର ଅଧିକ ତଦନ୍ତ ଜାରି ରଖିଛି ।
Advertisement
