adv-
ଅନୁଗୁଳ – ପୌର ନିର୍ବାଚନ ପାଇଁ ହାତରେ ମାତ୍ର ଆଉ ଦୁଇଦିନ ଥିବା ବେଳେ ବିଜେଡ଼ିକୁ ଏକ ଝଟକା ଲାଗିଛି । ସବୁ ପ୍ରମୁଖ ଦଳ ଓ ସ୍ଵାଧୀନ ପ୍ରାର୍ଥୀମାନେ ଘମଘୋଟ ପ୍ରଚାର ଚଳାଇ ଥିବାବେଳେ ଆଜି(ମଙ୍ଗଳବାର) ନଗର ବିଜେଡି ଉପସଭାପତି ସତ୍ୟାନନ୍ଦ ଦଳବେହେରା ନିଜ ପଦବୀ ତଥା ଦଳର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଛନ୍ତି । ସେ ଚଳିତ ପୌର ନିର୍ବାଚନରେ ବିଜେଡି ପକ୍ଷରୁ ନଗରପାଳ ପଦ ପାଇଁ ଆଶାୟୀ ପ୍ରାର୍ଥୀ ଥିଲେ । ତେବେ ସମସ୍ତ ଆକଳନକୁ ଓଲଟ ପାଲଟ କରି ଅକ୍ଷୟ ସାମନ୍ତ କଂଗ୍ରେସରୁ ଆସି ବିଜେଡି ଟିକଟ ପାଇବା ପରେ ସେ ନିରାଶ ହୋଇଥିଲେ । ତେବେ ସେ ନିଜ ଇସ୍ତଫା ପତ୍ରରେ ବ୍ୟକ୍ତିଗତ କାରଣରୁ ସେ ଇସ୍ତଫା ଦେଇଥିବା ଲେଖିଥିବା ବେଳେ ଅନ୍ୟ କୌଣସି ଦଳରେ ଏବେ ଯୋଗ ଦେବେ ନାହିଁ ବୋଲି ସତ୍ୟାନନ୍ଦ ପ୍ରକାଶ କରିଛନ୍ତି ।
Advertisement
