ଅନୁଗୁଳ – ଅନୁଗୁଳ ଜିଲ୍ଲା ତାଳଚେର ଅଞ୍ଚଳରେ ଏକ ଅଭାବନୀୟ ଘଟଣା ଘଟିଯାଇଛି । କାନ ଫୁଲ ଓ ସୁନା ଚେନ ଲୁଟ ପରେ ଜଣେ ବୃଦ୍ଧାଙ୍କୁ ହତ୍ୟା କରି ଫୋପାଡି ଦେଇ ପଳାଇଥିବା ଅଭିଯୋଗ ହୋଇଛି । ସୂଚନା ଅନୁସାରେ କୁକୁଡୁଲା ଗ୍ରାମର ୭୦ ବର୍ଷୀୟା ଜଣେ ବୃଦ୍ଧା ରଙ୍ଗବତୀ ପ୍ରଧାନ ତାଙ୍କ ଗାଁ ପୋଖରୀ କୁ ଗାଧୋଇବାକୁ ଯାଇଥିଲେ । ତେବେ ବହୁ ସମୟ ପର୍ଯ୍ୟନ୍ତ ସେ ଘରକୁ ନଫେରିବା ଦେଖି ପରିବାର ଲୋକମାନେ ଖୋଜିବାକୁ ଯାଇଥିଲେ । ଖୋଜାଖୋଜି ବେଳେ ପୋଖରୀ ହୁଡାରେ ତାଙ୍କର ମୃତଦେହ ମିଳିଥିଲା । ରଙ୍ଗବତୀଙ୍କୁ କେହି ଦୁବୃତ୍ତ ଜୀବନରେ ମାରିବା ସହିତ ତାଙ୍କର ସୁନାଚେନ ଓ କାନଫୁଲ ନେଇ ଫେରାର ହୋଇ ଯାଇଥିଲା । ତାଙ୍କ କାନ ଛିଣ୍ଡି ରକ୍ତ ବାହାରୁଥିବା ଅବସ୍ଥା ରେ ତାଙ୍କ ମୃତ ଦେହ ମିଳିଥିଲା । ଏ ନେଇ ପରିବାର ଲୋକେ ତାଳଚେର ସଦର ଥାନା ରେ ଅଭିଯୋଗ କଲାପରେ ଘଟଣା ସ୍ଥଳରେ ପୋଲିସ ପହଞ୍ଚି ଘଟଣାର ଛାନଭିନ୍ କରୁଛନ୍ତି ।
Advertisement
