ଅନୁଗୁଳ – ଅନୁଗୁଳ ଜିଲ୍ଲାର ୨ ନୂଆ ଥାନା ବାଗଡିଆ ଓ ଗୋପାଳପ୍ରସାଦ ଥାନା କାର୍ଯ୍ୟକ୍ଷମ ହେବ । ଏଥିପାଇଁ କର୍ମଚାରୀ ନିଯୁକ୍ତି ପ୍ରକ୍ରିୟା ଆରମ୍ଭ ହୋଇଛି । ଅନୁଗୁଳ ଏସ୍.ପି. ଜଗମୋହନ ମୀନା ଶୁକ୍ରବାର ଉଭୟ ସ୍ଥାନ ପାଇଁ ୮ ଜଣ ଅଫିସର ଓ ୨୮ ଜଣ କନେଷ୍ଟବଳ ଓ ଓପିଏଫ ଙ୍କୁ ଏହି ଦୁଇ ଥାନାକୁ ସ୍ଥାନାନ୍ତର କରିଛନ୍ତି । ଛେଣ୍ଡିପଦା ଥାନାରେ କାର୍ଯ୍ୟରତ ଏସ୍.ଆଇ. ସତ୍ୟବ୍ରତ ରାଉତଙ୍କୁ ବାଗଡିଆ ଥାନାରେ ଅବସ୍ଥାପିତ କରାଯାଇଥିବା ବେଳେ ଜିଲ୍ଲା ପୁଲିସ ମୁଖ୍ୟାଳୟରେ କାର୍ଯ୍ୟରତ କାଳନ୍ଦୀ ଚରଣ ରାଉତଙ୍କ ବାଗଡିଆ ଥାନାକୁ ସ୍ଥାନାନ୍ତର କରାଯାଇଛି । ସେହିଭଳି ଡାଳଚେର ଥାନାର ଏସ୍.ଆଇ ଅର୍ଚ୍ଚନା ନାୟକଙ୍କ ଗୋପାଳପ୍ରସାଦ ଥାନା ଓ କୋଲିୟରୀ ଆନାରେ କାର୍ଯ୍ୟରତ ଏସ୍.ଆଇ. ଉଦୟନାଥ ବେହେରାଙ୍କ ଗୋପାଳପ୍ରସାଦ ଥାନାକୁ ବଦଳି କରାଯାଇଛି । ଛେଣ୍ଡିପଦା ଥାନାର ଏ.ଏସ୍.ଆଇ. ଗୋଲକ ବିହାରୀ ସେଠୀଙ୍କୁ ବାଗଡ଼ିଆ ଥାନାକୁ ବଦଳି କରାଯାଇଛି । ବାଗଡିଆ ଫାଣ୍ଡିରେ କାର୍ଯ୍ୟରତ ରମେଶ ଚନ୍ଦ୍ର ପ୍ରଧାନଙ୍କୁ ବାଗଡିଆ ଥାନାରେ ଅବସ୍ଥାପିତ କରାଯାଇଥିବା ବେଳେ ତାଳଚେର ଥାନାର ଏଏସ୍ଆକୁ ସୁଦର୍ଶନ ନାଏକ ଓ ଗୋପାଳପ୍ରସାଦ ଫାଣ୍ଡିରେ କାର୍ଯ୍ୟରତ ନେପାଳ ପାତଙ୍କୁ ଗୋପାଳପ୍ରସାଦ ଥାନାରେ ଅବସ୍ଥାପିତ କରାଯାଇଛି । ସେହିଭଳି ବାଗଡ଼ିଆ ଥାନା ପାଇଁ ୧୩ ଜଣ କନେଷ୍ଟବଳ ଓ ଓପିଏଫ ଏବଂ ଗୋପାଳପ୍ରସାଦ ଥାନା ପାଇଁ ୧୪ ଜଣ କନେଷ୍ଟବଳ ଓ ଓପିଏଫଙ୍କୁ ସ୍ଥାନାନ୍ତର କରାଯାଇଛି ।
Advertisement
