ପାଣି ନାଁରେ ବିକ୍ରି ହେଉଛି ଜହର – ଜନ ସ୍ୱାସ୍ଥ୍ୟ ବିଭାଗର ଚଢାଉ

ଅନୁଗୁଳ – ଅନୁଗୁଳ ସହରରେ ପାଣି ନାଁ ରେ ବିକ୍ରି ହେଉଛି ଜହର  । ଯାହାକୁ ପିଇ ସାଧାରଣ ଲୋକ ଅସୁସ୍ଥ ହେବାର ସମ୍ଭାବନା ଅଛି । ଏଥିପାଇଁ ଆଜି ଅନୁଗୁଳ ଜନ ସ୍ୱାସ୍ଥ୍ୟ ବିଭାଗ ଓ ପୁଲିସ ପକ୍ଷରୁ ସହରରେ ଥିବା ବିଭିନ୍ନ ପାଣି ଫ୍ୟାକ୍ଟେରି ଉପରେ ଚଢ଼ାଉ କରାଯାଇଥିଲା । ସହରରେ ଥିବା ହିମାଳୟ , ଗଙ୍ଗାଜଳ ଓ ଓଆସିସି ଆକ୍ବା ନାମରେ ଥିବା ୩ ଟି ଫ୍ୟାକ୍ଟେରି ଚଢ଼ାଉ ବେଳେ ବିନା ଲାଇସେନ୍ସରେ ଏହି ଫ୍ୟାକ୍ଟେରି ଗୁଡିକ ଚାଲିଥିବା ଜନ ସ୍ୱାସ୍ଥ୍ୟ ବିଭାଗ କହିଛି । ଏହା ସହ ସେମାନେ ସିଲ କରି ପାଣି ବିକ୍ରି କରିବା ନିୟମ ଥିବା ବେଳେ ଖୋଲା ଡ଼ବା କିମ୍ବା ଜାରକିନରେ ପାଣି ବଜାରରେ ବିକ୍ରି କରୁଥିବା ଜଣା ପଡିଥିଲା । ଏହା ସହ ଫ୍ୟାକ୍ଟେରି ଗୁଡିକ ପରିଷ୍କାର ରଖା ଯାଉ ନଥିବା ବେଳେ ଅସ୍ୱାସ୍ଥ୍ୟକର ପରିବେଶରେ ପାଣି ପ୍ୟାକିଂ କରାଯାଉଥିଲା । ଏଥିପାଇଁ ବିଭାଗ ପକ୍ଷରୁ ୧୦ ହଜାର ଟଙ୍କା ଜୋରିମନା କରାଯିବା ସହ ଚେତାବନୀ ଦିଆଯାଇଛି । ୭ ଦିନ  ମଧ୍ୟରେ ଜରୁରୀ କାଗଜପତ୍ର କରିବା ସହ ଅବସ୍ଥାରେ ସୁଧାର ପାଇଁ କୁହା ଯାଇଛି । ଆଉ ଏହା ପରେ ମଧ୍ୟ ଫ୍ୟାକ୍ଟେରି ଗୁଡିକର ଅବସ୍ଥାରେ ସୁଧାର ନ ଆସିଲେ ଆବଶ୍ୟକୀୟ କାର୍ଯ୍ୟାନୁଷ୍ଠାନ କରାଯିବ ବୋଲି ଜନ ସ୍ୱାସ୍ଥ୍ୟ ବିଭାଗ ଅଧିକାରୀ ଧନଞ୍ଜୟ ବେହେରା କହିଛନ୍ତି ।

Advertisement