ଅନୁଗୁଳ – ଅନୁଗୁଳ ଜିଲ୍ଲାରେ କରୋନା ସଂକ୍ରମଣ ବଢି ବଢି ଚାଲିଛି । ଲକଡାଉନ ଓ ସପ୍ତାହନ୍ତ ସଟଡାଉନ କରାଯାଇଥିବା ବେଳେ ଅନେକ ଅମାନିଆ ଏହାକୁ ମାନୁ ନାହାନ୍ତି । ଏଭଳି ସ୍ଥଳେ ସଚେତନ ହିଁ ଏକମାତ୍ର ମାଧ୍ୟମ । ଲୋକ ସଚେତନ ହେଲେ ହିଁ କରୋନାକୁ ନିୟନ୍ତ୍ରଣ କରା ଯାଇ ପାରିବ । ଆଉ ଏଥିପାଇଁ କରୋନାର ଦ୍ରୁତ ସଂକ୍ରମଣରେ ରୋକ୍ ଲଗାଇବା ପାଇଁ ଜିଲ୍ଲାରେ ସଚେତନତା ଅଭିଯାନ ଆରମ୍ଭ ହେବ ବୋଲି ଅପରାହ୍ନରେ କରୋନା ସ୍ଥିତି ସମୀକ୍ଷା କରି ଜିଲ୍ଲାପାଳ ପ୍ରକାଶ କରିଛନ୍ତି । ଏହି ସଚେତନତା ଅଭିଯାନରେ ଅଙ୍ଗନୱାଡି କର୍ମୀ , ଆଶାକର୍ମୀଙ୍କ ସହ ଶିକ୍ଷକ ଓ ଶିକ୍ଷୟିତ୍ରୀମାନେ ସାମିଲ ହେବେ । ସେମାନେ ଘର ଘର ବୁଲି ଲୋକଙ୍କୁ କରୋନା ସମ୍ପର୍କରେ ସଚେତନ କରିବାକୁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି । ସେହିପରି ଡାକ୍ତରଖାନା ଗୁଡ଼ିକୁ ନିୟମିତ ବିଶୋଧନ କରାଯିବ । ତାଳଚେର ଅଞ୍ଚଳରେ ଅଧିକ ସଂକ୍ରମଣ ହେଉଥିବାରୁ ସେହି ଅଞ୍ଚଳରେ ଏନ୍ଫୋର୍ସମେଣ୍ଟକୁ ଜୋରଦାର କରିବାକୁ ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ଵାଇଁ ତାଳଚେର ଉପଜିଲ୍ଲାପାଳଙ୍କୁ ନିର୍ଦେଶ ଦେଇଛନ୍ତି ।
Advertisement
