ହାଇୱା ପଛରେ ଧକ୍କାଦେଲା ବସ୍

ଅନୁଗୁଳ –  ଜାତୀୟ ରାଜପଥ ୫୫ ରେ ଦୁର୍ଘଟଣା । ହାଇୱା ପଛରେ ଧକ୍କା ଦେଲା ବସ୍ । ଯାହା ଫଳରେ ୬  ଜଣ ଆହତ ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି ।

ସୁଚନା ଅନୁସାରେ , ଶୁକ୍ରବାର ଅପରାହ୍ନ ପ୍ରାୟ ୪.୩୦ ମିନିଟ ରେ ସମ୍ବଲପୁରରୁ ଅନୁଗୁଳ ଅଭିମୁଖେ ୩୦ ଜଣ ଯାତ୍ରୀଙ୍କୁ ନେଇ ଦୃତ ଗତିରେ ଆସୁଥିବା ଜୟ ହନୁମାନ ନାମକ ବସ୍ ଜରପଡା ଥାନା ଅନ୍ତର୍ଗତ ମରାତିରା ଗ୍ରାମ ନିକଟରେ ଏକ ହାଇୱା ପଛରେ ଧକ୍କା ଦେଇଥିଲା । ଯାହା ଫଳରେ ବସ୍ ରେ ବସିଥିବା ୬ ଜଣ ଯାତ୍ରୀ ଆହତ ହୋଇଛନ୍ତି । ଆହତ ମାନେ ହେଲେ ଅନୁଗୁଳ ସଦର ଥାନା ଅନ୍ତର୍ଗତ ପଞ୍ଚମହଲା ନୂଆଁମଉଜା ଗ୍ରାମ ର ମଞ୍ଜୁ ସାହୁ , ବଅଁରପାଳ ଥାନା ଅନ୍ତର୍ଗତ ତଳମୂଳ ଗ୍ରାମର ରଞ୍ଜନ ସାହୁ , ଓ ସମ୍ବଲପୁର ସରଗିପାଲି ଗ୍ରାମ ର ନିରୁପମା ନାଏକ ଓ ତାଙ୍କର ଦୁଇ ଝିଅ ଲୁସିପ୍ରଭା ନାଏକ ବଦ୍ରିୟା ନାଏକ । ଆହତ ମାନେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ଖବର ପାଇ ଘଟଣା ସ୍ଥଳରେ ଜରପଡା ଥାନା ପୁଲିସ୍ ପହଞ୍ଚି ତଦନ୍ତ ଜାରି ରଖିଥିବା ଜଣାପଡିଛି ।

Advertisement

Leave a Reply

Your email address will not be published. Required fields are marked *