ଦୁର୍ଘଟଣାରେ ସ୍ତ୍ରୀ ମୃତ, ଅଳ୍ପକେ ବର୍ତ୍ତିଲେ ସ୍ୱାମୀ ଓ ପୁଅ

ପାଳଲହଡା – ଅନୁଗୁଳ ଜିଲ୍ଲା ଖମାର ଥାନା ସାମ୍ନାରେ ଏକ ମୋଟରସାଇକେଲକୁ ଧକ୍କା ଦେବାଫଳରେ  ଘଟଣା ସ୍ଥଳରେ ସ୍ତ୍ରୀଙ୍କର  ମୃତ ହୋଇଥିବା ବେଳେ ଅଳ୍ପକେ ସ୍ୱାମୀ ଏବଂ ତାଙ୍କର ୬ ବର୍ଷର ପୁଅ ବର୍ତ୍ତୀ ଯାଇଛନ୍ତି । ସୂଚନା ଅନୁସାରେ ବତୀସୁଆଁ ଗ୍ରାମର ଜୋତ୍ସନାରାଣୀ ସାହୁ ତାଙ୍କ ସ୍ଵାମୀ ଓ ପୁଅ ସହିତ ଗତକାଲି ତାଳଚେର ଅଞ୍ଚଳକୁ ଏକ  ବିବାହ ଉତ୍ସବରେ ଯୋଗଦେଇ ଯାଇଥିବା ବେଳେ ଆଜି ନିଜ ଘର ପାଳଲହଡା ବତୀସୁଆଁ ଗ୍ରାମକୁ ଫେରୁଥିଲେ । ଖମାର ଥାନା ସାମ୍ନାରେ ସେମାନଙ୍କୁ ପଛରୁ ଏକ ଟ୍ରକ ଧକ୍କା ଦେଇଥିଲା । ଫଳ ରେ ମୋଟରସାଇକେଲର ପଛରେ ବସିଥିବା ଜୋତ୍ସନାରାଣୀଙ୍କର ଘଟଣା ସ୍ଥଳରେ ହିଁ ମୃତ୍ୟୁ ହୋଇଥିଲା । ଦୁର୍ଘଟଣାରେ ସ୍ୱାମୀ ଏବଂ ପୁଅ ମଧ୍ୟ ଆହତ ହୋଇଥିଲେ । ଘଟଣାକୁ ନେଇ କ୍ଷତିପୂରଣ ଦାବିରେ ମୃତକ ପରିବାର ଓ ସ୍ଥାନୀୟ ଲୋକ ଜାତୀୟ ରାଜପଥ ୧୪୯ କୁ ଅବରୋଧ କରିଥିଲେ । ଫଳରେ ରାସ୍ତାର ଉଭୟ ପାର୍ଶ୍ୱରେ ବହୁ ସଂଖ୍ଯାରେ ଗାଡିମୋଟର ଅଟକି ରହିଥିଲା । ମୃତକ ପରିବାରକୁ ରେଡକ୍ରସ ତରଫରୁ ୧୦ ହଜାର ଟଙ୍କା ସହାୟତା ଯୋଗାଇ ଦେବାକୁ ପାଳଲହଡା ଉପଜିଲ୍ଲାପାଳ ପ୍ରତିଶୃତି ଦେବା ପରେ ଉତ୍ତେଜନା ହ୍ରାସ ପାଇଥିଲା । ଅନ୍ୟପଟେ ଦୃଘଟଣା ଗ୍ରସ୍ତ ଟ୍ରକ ଏବଂ  ମୋଟରସାଇକେଲକୁ ଖମାର ପୁଲିସ ଜବତ କରିବା ସହ ଘଟଣାର ତଦନ୍ତ କରୁଛି ।

Advertisement