ଜିଲ୍ଲା ମୁଖ୍ୟ ଚିକିତ୍ସାଳୟ କୋଠାରୁ ପଡି ଯୁବକଙ୍କ ମୃତ୍ୟୁ ଘଟଣା – ୩ ସୁରକ୍ଷାକର୍ମୀ ବହିଷ୍କୃତ

ଅନୁଗୁଳ – ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଗତ ଡିସେମ୍ବର ୧୬ ତାରିଖରେ ୪ ମହଲା କୋଠାରୁ ଡେଇଁ ଜଣେ ଯୁବକଙ୍କ ମୃତ୍ୟୁ ହୋଇଥିବା ଘଟଣାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ନିୟୋଜିତ ୩ ଜଣ ସୁରକ୍ଷା କର୍ମୀଙ୍କୁ ବହିଷ୍କୃତ କରାଯାଇ ଥିବା ଜଣା ପଡିଛି । ସୂଚନା ଅନୁସାରେ ଗୋତମରା ଗାଁ ପଦ୍ମ ଚରଣ ବିଶ୍ବାଳଙ୍କ ପୁଅ ଚିକୁନ ବିଶ୍ୱାଳ ସ୍ୟାନିଟାଇଜ଼ର ପିଇ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଚିକିତ୍ସା ପାଇଁ ଆସିଥିଲେ । ତେବେ ୧୬ ତାରିଖ ଦିନ ସେ ଚାରି ମହଲା କୋଠାରୁ ତଳକୁ ଡେଇଁ ପଡ଼ିଥିବା ବେଳେ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ତେବେ ଉକ୍ତ ସମୟରେ ୱାର୍ଡରେ ମୋଟ ୩ ଜଣ ସୁରକ୍ଷା କର୍ମୀ ସୁରକ୍ଷା ଦାୟିତ୍ଵରେ ଥିଲେ । ଆଉ ସେହି ତିନି ଜଣଙ୍କ ଅବହେଳା ପାଇଁ ଏଭଳି ଘଟଣା ଘଟିଥିବା ଜଣା ପଡିବା ପରେ ଭାରତ ସିକ୍ୟୁରୀଟି ପକ୍ଷରୁ ଲୋକେଶ ବେହେରା, ଅରୁପ ସାହୁ ଏବଂ ନୀଳମଣି ସାହୁ ନାମକ ତିନି ସୁରକ୍ଷା କର୍ମୀଙ୍କୁ ବହିଷ୍କୃତ କରାଯାଇଛି ।

Advertisement