ଅନୁଗୁଳ – ଅନୁଗୁଳ ଜିଲ୍ଲା ଜରପଡ଼ା ରେଳ ଷ୍ଟେସନରେ ୱାଇ-ଫାଇ ସେବା ଆରମ୍ଭ ହୋଇଛି । ଗତକାଲିଠାରୁ ଏହି ସେବା ଆରମ୍ଭ ହୋଇଥିବା ଭାରତୀୟ ରେଳ ପକ୍ଷରୁ ସୂଚନା ଦିଆଯାଇଛି । ଏଥି ସହିତ ଓଡ଼ିଶାର ୨୩୨ଟି ରେଳ ଷ୍ଟେସନମାନଙ୍କରେ ୱାଇ-ଫାଇ ସୁବିଧା ଉପଲବ୍ଧ ରହିଥିବାର ଭାରତୀୟ ରେଳ ପକ୍ଷରୁ କୁହାଯାଇଛି । ରେଳ ମନ୍ତ୍ରାଳୟ ଦ୍ୱାରା ଆଜି ଜାରି କରାଯାଇଥିବା ପ୍ରେସ୍ ବିଜ୍ଞପ୍ତି ଅନୁସାରେ ବର୍ତ୍ତମାନ ସୁଦ୍ଧା ଦେଶରେ ୬୦୦୦ଟି ରେଳ ଷ୍ଟେସନ୍ରେ ୱାଇ-ଫାଇର ବ୍ୟବସ୍ଥା ଆରମ୍ଭ ହୋଇଯାଇଛି । ଜାନୁଆରି ୨୦୧୬ରେ ମୁମ୍ବାଇ ରେଳ ଷ୍ଟେସନରେ ପ୍ରଥମେ ଆରମ୍ଭ ହୋଇଥିବା ୱାଇ-ଫାଇ ସେବା ଗତକାଲି ସୁଦ୍ଧା ଦେଶର ୬୦୦୦ଟି ରେଳ ଷ୍ଟେସନ୍ ମାନଙ୍କରେ ସମ୍ପ୍ରସାରିତ ହୋଇସାରିଛି ।
Advertisement
