ଅନୁଗୁଳ – ଅନୁଗୁଳ କୁମଣ୍ଡ ଗାଁର ଗାଣ୍ଡୁ ପଡ଼ିଆର ଏକ ଘର ଭିତରୁ ଜଣେ ମହିଳାଙ୍କ ମୃତଦେହ ଉଦ୍ଧାର ହୋଇଛି । ମୃତ ମହିଳା ହେଲେ ମାମି ଗୋଛାୟତ । ତାଙ୍କ ସ୍ଵାମୀ ଧୁର୍ବ ଗୋଛାୟତ ମହାରାଷ୍ଟ୍ରରେ କାମ କରୁଥିବା ବେଳେ ପୁଅ ଝିଅ ମାନେ ମଧ୍ୟ ବାହାରେ ରହୁଥିବାରୁ ସେ ଘରେ ଏକା ରହୁଥିଲେ । ଆଜି ଅପରାହ୍ନରେ ତାଙ୍କ ସାନ ପୁଅ ଘରକୁ ଆସିଥିବା ବେଳେ ତାଙ୍କ ମା‘ଙ୍କ କ୍ଷତବୀକ୍ଷତ ଅର୍ଦ୍ଧ ଉଲଗ୍ନ ମୃତଦେହ ପଡିଥିବା ଦେଖିଥିଲେ । ସଙ୍ଗେ ସଙ୍ଗେ ସେ ପଡ଼ୋଶୀଙ୍କୁ ପଚରାଉଚରା କରିବା ସହ ପୁଲିସକୁ ଖବର ଦେଇଥିଲେ । ଅନୁଗୁଳ ସଦର ଥାନା ପୁଲିସ ଘଟଣା ସ୍ଥଳରେ ପହଞ୍ଚି ସାଇଣ୍ଟିଫିକ ଟିମ ସହାୟତାରେ ତଦନ୍ତ କରୁଛି । ମୃତ ମହିଳାଙ୍କ ଦେହରେ ଅନେକ କ୍ଷତ ଥିବା ବେଳେ କେହି ଦୁର୍ବୃତ୍ତ ମହିଳା ଏକା ରହୁଥିବାର ଫାଇଦା ନେଇ ଦୁଷ୍କର୍ମ କରିବା ପରେ ଏଭଳି ହତ୍ୟା କରିଥିବା ସନ୍ଦେହ କରା ଯାଉଛି । ତେବେ ଏ ନେଇ ପୁଲିସ ତଦନ୍ତ କରୁଛି ଆଉ ତଦନ୍ତ ପରେ ପ୍ରକୃତ ଘଟଣା କଣ ତାହା ଜଣା ପଡିବ ବୋଲି ପୁଲିସ କହିଛି ।
Advertisement
