ଜନ୍ମ ନେଲା ଅଦ୍ଭୁତ ବାଛୁରୀ – ପୂଜା କରୁଛନ୍ତି ଲୋକ

ତାଳଚେର – ଅନୁଗୁଳ ଜିଲ୍ଲା ତାଳଚେର ଅଞ୍ଚଳରେ ଏକ ଆଶ୍ଚର୍ଯ୍ୟ କଲା ଭଳି ଘଟଣା ସାମ୍ନାକୁ ଆସିଛି । ଯାହାକୁ ଦେଖି ଗାଇର ମାଲିକ ଯେ କେବଳ ଆଶ୍ଚର୍ଯ୍ୟ ହୋଇଛନ୍ତି ତା ନୁହେଁ , ଅଞ୍ଚଳରେ ବେଶ ଚର୍ଚାର ବିଷୟ ପାଲଟିଛି ମଧ୍ୟ । ଆଉ ଏହି ଅଦ୍ଭୁତ ବାଛୁରୀକୁ ଦେଖିବା ସହ ପୂଜା କରିବାକୁ ଭିଡ ଜମୁଛି  । ପ୍ରକୃତ କଥା ହେଲା ବାଛୁରୀଟିର ଶରୀର ସ୍ଵାଭାବିକ ରହିଥିବାବେଳେ ମୁଣ୍ଡରେ ରହିଛି ତିନୋଟି ଆଖି । ଆଉ ଏବେ ତ୍ରିନେତ୍ର ମାନେ ଭଗବାନ ଶିବ ଆସିଥିବା ବିଶ୍ଵାସ କରି ଲୋକ ପୂଜାର୍ଚ୍ଚନା ମଧ୍ୟ କରୁଛନ୍ତି ।

ଅନୁଗୁଳ ଜିଲ୍ଲା ତାଳଚେର କଙ୍କିଳି ନୂଆଁ ସାହିର ଶ୍ରୀକାନ୍ତ ଦେହୁରୀ ଙ୍କ ଘରେ ଗତ କିଛି ଦିନ ତଳେ ଏକ ବାଛୁରୀ ଜନ୍ମ ଗ୍ରହଣ କରିଥିଲା । ବାଛୁରୀ ଏକଦମ ସୁସ୍ଥସବଳ ରହିଥିବା ଯୋଗୁଁ ଖୁସି ହୋଇ ଯାଇଥିଲେ ଶ୍ରୀକାନ୍ତ । ହେଲେ ହଠାତ ତାଙ୍କ ନଜର ପଡିଥିଲା ବାଛୁରୀ ମୁଣ୍ଡରେ । ଆଉ ଆଶ୍ଚର୍ଯ୍ୟ ହୋଇ ଯାଇଥିଲେ ସେ । କାରଣ ବାଛୁରୀର ଦୁଇଟି ଆଖି ଯଥା ସ୍ଥାନରେ ଥିବା ବେଳେ କପାଳ ରେ ମଧ୍ୟ ରହିଥିଲା ଅନ୍ୟ ଏକ ଆଖି । ଆଉ ଏହା ଦେଖି ସେ ପରିବାର ଲୋକଙ୍କୁ ଜଣାଇବା ପରେ ପରିବାର ଲୋକ ଭଗବାନଙ୍କ ରୂପ ଭାବି ପ୍ରଥମେ ପୂଜାର୍ଚନା କରିଥିଲେ । ଆଉ ଏହି ଖବର ପ୍ରସାର ହେବା ପରେ ଲୋକଙ୍କ ସୁଅ ମଧ୍ୟ ଛୁଟିଥିଲା । ଆଉ ଏବେ ମଧ୍ୟ ବିଭିନ୍ନ ସ୍ଥାନରୁ ଲୋକ ଆସି ପୂଜା କରୁଛନ୍ତି । ଏହା ସହ ଦେଖଣାହାରୀ ମଧ୍ୟ ଅନେକଙ୍କ ଭିଡ ଜମୁଛି ।

Advertisement