ଓଡ଼ିଶା ସିଭିଲ ସର୍ଭିସ ରେଜଲ୍ଟରେ ୬୨ ରାଙ୍କ ରଖିଲେ ଅନୁଗୋଳର ଆଶାଜ୍ଯୋତି

ଅନୁଗୋଳ – ସଦ୍ୟ ପ୍ରକାଶିତ ଓଏଏସ ପରୀକ୍ଷାରେ ଅନୁଗୋଳ ସହର ଶିମିଳିପଡାର ଆଶାଜ୍ୟୋତି ସାହୁ ୬୨ ରାଙ୍କ ରଖି ସଫଳତା ହାସଲ କରିଛନ୍ତି । ବାପା ଦିକାକର ସାହୁ ରାଉରକେଲାରେ ବ୍ଯବସାୟ କରୁଥିବା ବେଳେ ମା ସୁଜାତା ରାଣି ପାଣିଗ୍ରାହି ଏକ ଘରୋଇ ସ୍କୁଲରେ ଶିକ୍ଷକତା କରନ୍ତି । ତାଙ୍କ ସଫଳତା ଜିଲ୍ଲା ପାଇଁ ଗୌରବ ଆଣିଥିବା ବେଳେ ସରକାରୀ ସ୍କୁଲର ଛାତ୍ର ଛାତ୍ରୀ ଯେ କୌଣସି ଗୁଣରେ କମ୍ ନୁହନ୍ତି ବୋଲି ସେ ପ୍ରତିପାଦିତ କରିଛନ୍ତି। ପ୍ରଥମରୁ କଲେଜ୍ ଯାଏଁ ସେ ସରକାରୀ ସ୍କୁଲରେ ପାଠ ପଢ଼ିଛନ୍ତି । ତାଙ୍କର ଏହି ସଫଳତା ପରେ ଘରେ ଖୁସିର ଲହରୀ ଖେଳିଯାଇଛି । ଆଶାଜ୍ୟୋତି ଦଶମ ପଢ଼ୁଥିବା ବେଳେ ସ୍କୁଲରେ ଏକ କାର୍ଯ୍ଯକ୍ରମରେ ସମ୍ବାଦର ସମ୍ପାଦକ ସୌମ୍ୟ ରଞ୍ଜନ ପଟ୍ଟନାୟକ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ସେତେବେଳେ ସେ ଆଶାଜ୍ୟୋତିଙ୍କୁ ପ୍ରେରଣା ଦେଇଥିଲେ । ଏହା ସହ ତାଙ୍କ ପରିବାର ପୁରା ସପୋର୍ଟ ଦେଇଥିଲେ । ଯାହା ଫଳରେ ସେ ଆଜି ଏହି ସଫଳତା ପାଇ ପାରିଛନ୍ତି ବୋଲି କହିଛନ୍ତି । ଏଥିପାଇଁ ସେ ଯେତେବେଳେ ସମୟ ପାଉଥିଲେ ପଢୁଥିଲେ । ଦିନକୁ ପ୍ରାୟ ୧୦ ଘଣ୍ଟା ସମୟ ଦେଉଥିଲେ । ପ୍ରଥମ ଚେଷ୍ଟାରେ ସେ ବିଫଳ ହୋଇଥିଲେ । ଆଉ ଦ୍ଵିତୀୟ ଥର ଓଏଏସରେ ସଫଳତା ହାସଲ କରିଛନ୍ତି ।