ଠାକୁର ଘରୁ ଦବିଗଲା ୧୦ ଫୁଟ ମାଟି – ଭୟରେ ପରିବାର ଲୋକ

ତାଳଚେର – ଅନୁଗୁଳ ଜିଲ୍ଲା ତାଳଚେରରେ ପୁଣି ଦବିଲା ମାଟି । ତାଳଚେର ସହରର ୧୦ ନମ୍ବର ୱାର୍ଡ ପିତାମ୍ବର ଦାସ ନାମକ ଜଣେ ବ୍ୟକ୍ତିଙ୍କ ଠାକୁର ଘରୁ ମାଟି ଦବିଥିଲା । ପ୍ରାୟ ୨ ଫୁଟରେ ୨ ଫୁଟ ଚଉଡାର ୧୦ ଫୁଟ ଗଭୀର ଗର୍ତ୍ତ ସୃଷ୍ଟି ହୋଇଥିଲା । ଆଜି ପିତାମ୍ବର ଠାକୁର ଘରକୁ ପୂଜା କରିବାକୁ ଯାଇଥିବା ବେଳେ ଏଭଳି ମାଟି ଦବି ଥିବାର ସେ ଦେଖି ଡରି ଯାଇଥିଲେ । ଏପରିକି ପରିବାର ଲୋକ ଆତଙ୍କିତ ଅବସ୍ଥାରେ ଥିବା ବେଳେ କୌଣସି ବଡ଼ ଅଘଟଣ ଘଟିବ ଚିନ୍ତା କରି ନିଜେ ରାଜ ମିସ୍ତ୍ରୀ ଡାକି ବାଲି ଫିଲିଙ୍ଗ କରିବା ସହ ସିମେଣ୍ଟ ଚଟାଣ କରି ଦେଇଥିଲେ । ଭୂତଳ କୋଇଲା ଖଣିରୁ କୋଇଲା ନେଇ ଯିବା ପରେ ସଠିକ ଭାବେ ବାଲି ଭର୍ତ୍ତି ହେଉ ନଥିବାରୁ ଏଭଳି ଘଟଣା ତାଳଚେର ଅଞ୍ଚଳରେ ବାରମ୍ବାର ଘଟୁଥିବା ଦେଖିବାକୁ ମିଳୁଛି । ଯାହାକୁ ନେଇ ଅସନ୍ତୋଷ ଦେଖା ଦେଇଛି ।

Advertisement