ପ୍ରଧାନମନ୍ତ୍ରୀ ଆବାସ ଯୋଜନାରେ ଦୁର୍ନୀତି ଅଭିଯୋଗ – ବ୍ଲକ ଘେରାଓ କଲା ବିଜେପି

ଅନୁଗୁଳ – ପ୍ରଧାନମନ୍ତ୍ରୀ ଆବାସ ଯୋଜନାରେ ବ୍ୟାପକ ଦୁର୍ନୀତି, ପ୍ରକୃତ ହିତାଧିକାରୀଙ୍କୁ ଘର ନଦେଇ ଦଳୀୟ କର୍ମୀଙ୍କୁ ଘର ବଣ୍ଟନ, ଘର ଦେବା ପାଇଁ ବ୍ୟାପକ ଲାଞ୍ଚ କାରବାର ତଥା ରାଜ୍ୟରେ  ହଜାରେ କୋଟି ଟଙ୍କାରୁ ଉର୍ଦ୍ଧ୍ବ ଦୁର୍ନୀତି ହୋଇଥିବାକୁ ନେଇ ଆଜି ବିଜେପି ପକ୍ଷରୁ ଅନୁଗୁଳ ଓ ଆଠମଲ୍ଲିକ ବ୍ଲକ କାର୍ଯ୍ୟାଳୟକୁ ଦୀର୍ଘ ସମୟ ଘେରାଓ କରିବା ସହ ପ୍ରତିବାଦ ସଭା କରାଯାଇଥିଲା । ଶେଷରେ ରାଜ୍ୟପାଳଙ୍କ ଉଦ୍ଦେଶ୍ୟରେ ରାଜ୍ୟ ସରକାରଙ୍କ ବିରୁଦ୍ଧରେ ଏକ ସ୍ମାରକପତ୍ର ପ୍ରଦାନ କରାଯାଇଥିଲା । ପ୍ରତିବାଦ ସଭାରେ  ପ୍ରଧାନମନ୍ତ୍ରୀ ଆବାସ ଯୋଜନାରେ ବ୍ୟାପକ ଦୁର୍ନୀତି , ଦଳୀୟ ଆଧାରରେ ଘର ବଣ୍ଟନ , ଘର ସମ୍ପୂର୍ଣ୍ଣ ନହୋଇ ମିଥ୍ୟା ବିଲ କରି ହଡ଼ପ କରିବା , ଓଡ଼ିଶାକୁ ମୋଦି ପଠାଇଥିବା ଛବିଶ ଲକ୍ଷ ପ୍ରଧାନମନ୍ତ୍ରୀ ଆବାସ ଓଡ଼ିଆ ଗରିବଙ୍କର ,ତାଲିକାରୁ ବାଦ୍ ପଡ଼ିଥିବା ଯୋଗ୍ୟ ହିତାଧିକାରୀଙ୍କୁ ପ୍ରଧାନମନ୍ତ୍ରୀ ଆବାସ ଯୋଗାଇବା ଓ ଦୁର୍ନୀତି ଗ୍ରସ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ବିଜେପିର ବ୍ଲକ ଘେରାଓ ବୋଲି ପ୍ରକାଶ କରିଥିଲେ । ପୁନଶ୍ଚ ମନେରେଗାରେ ୯୦ ଦିନର ମଜୁରୀ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ପାଉଥିବା ହିତାଧିକାରୀଙ୍କୁ ଦିଆ ଯାଉ ନାହିଁ । ୧୨ହଜାର ଟଙ୍କାର ପାଇଖାନା ଅର୍ଥ ଦିଆ ଯାଉ ନାହିଁ ବୋଲି ସେମାନେ ଅଭିଯୋଗ କରିଥିଲେ ।

Advertisement