ଅନୁଗୁଳ – ଅନୁଗୁଳ ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ୱାଇଁଙ୍କ ନିର୍ଦ୍ଦେଶ କ୍ରମେ ୫୫ ନମ୍ବର ଜାତୀୟ ରାଜପଥର ନାଲକୋ ଏଫସିଆଇ ଛକ ଠାରୁ କାରଗିଲ ପେଟ୍ରୋଲ ପମ୍ପ ପର୍ଯ୍ୟନ୍ତ ଉଭୟ ପାର୍ଶ୍ୱରେ ଥିବା ଦୋକାନ ଘର, ଚାଳିଆ ଘର , ଉଠା ଦୋକାନ ଉଚ୍ଛେଦ କରା ଯାଇଛି । ବଅଁରପାଳ ତହସିଲଦାର ଜିତେନ୍ଦ୍ର ସାହୁ ଅତିରିକ୍ତ ତହସିଲଦାର ଶ୍ୟାମ ସୁନ୍ଦର ସାହୁ , କୁରୁଡୁଲୁ ଆରଆଇ ଡିଜବର ସ୍ବାଇଁ , ବଳରାମପ୍ରସାଦ ଆରଆଇ ସୁଭଦ୍ରା ସାହୁ , ମାଜିଷ୍ଟ୍ରେଟଙ୍କ ଦାଇତ୍ୱ ରେ ସୁମନ୍ତ ବେହେରାଙ୍କ ଉପସ୍ଥିତରେ ଏହି ଜବରଦଖଲ ଉଚ୍ଛେଦ ପ୍ରକ୍ରିୟା ଆରମ୍ଭ କରାଯାଇଥିଲା । ୫୫ ନମ୍ବର ଜାତୀୟ ରାଜପଥକୁ ଅବରୋଧ ହୋଇ ରହିଥିବା ଫଳରେ ବାରମ୍ବାର ଦୁର୍ଘଟଣା ଘଟି ଅକାଳରେ ନିରୀହ ଜୀବନ ଚାଲି ଯାଉଥିଲା । ଏନେଇ ବାରମ୍ବାର ରାସ୍ତାରୋକ ମଧ୍ୟ ହେଉଥିବା ଦେଖିବାକୁ ମିଳିଥିଲା । ନିକଟରେ ଏକ ଦୁର୍ଘଟଣାରେ ମୋଟରସାଇକେଲ ଚାଳକଙ୍କ ଜୀବନ ଚାଲିଯାଇଥିଲା । ରାସ୍ତା ରୋକ ପରେ ଦୁର୍ଘଟଣା ସ୍ଥାନରେ ଦୁଇଟି ହମ୍ପସ୍ ନିର୍ମାଣ କରାଯାଇଥିଲା । ଏଣୁ ବାରମ୍ବାର ହେଉଥିବା ଦୁର୍ଘଟଣାକୁ ଆଖି ଆଗରେ ରଖି ଏଭଳି ପଦକ୍ଷପ ନେଇଥିବା ସୂଚନା ରହିଛି । ସୂଚନା ମୁତାବକ ଦୁର୍ଘଟଣା ପ୍ରବଣ ସ୍ଥାନ ହିସାବରେ ୫୫ନମ୍ବର ଜାତୀୟ ରାଜପଥ ଏଫସିଆଇ ଛକ ଠାରୁ କାରଗିଲ ପେଟ୍ରୋଲ ପମ୍ପ ପର୍ଯ୍ୟନ୍ତ ବହୁ ସଂଖ୍ୟାରେ ଲୋକ ପ୍ରାଣ ହରାଇଛନ୍ତି । ଯାହାକୁ ନେଇ ଜିଲ୍ଲାପାଳ ଏହାର ଆଶୁ ସମାଧାନ ନିମନ୍ତେ ଏକ ବୈଠକ କରି ବିଭାଗୀୟ ଅଧିକାରୀଙ୍କୁ ତାଗିତ କରିଥିଲେ । ଫଳ ସ୍ୱରୂପ ତିନି ଦିନ ତଳେ ଡାକବାଜି ଯନ୍ତ୍ର ଯୋଗେ ଜବରଦଖଲକାରୀଙ୍କୁ ସୂଚନା ଦିଆଯାଇଥିଲା ଏବଂ ଆଜି ଜବର ଦଖଲ ପ୍ରକ୍ରିୟା କରାଯାଇଥିଲା । ପରବର୍ତ୍ତୀ ପର୍ଯ୍ୟାୟରେ ଏହି ଆଇନକୁ କେହି ଖିଲାପ କରି ଜବରଦଖଲ କରେ ତେବେ ଆଇନ ଅନୁଯାୟୀ ଦଣ୍ଡ ବିଧାନ ବ୍ୟବସ୍ଥା କରାଯିବ ବୋଲି ପ୍ରଶାସନ ପକ୍ଷରୁ ରୋକଠୋକ ଜଣାଇ ଦିଆଯାଇଛି ।
Advertisement
