ତାଳଚେର – ଅନୁଗୁଳ ଜିଲ୍ଲା ତାଳଚେର କୋଲିୟାରୀ ଥାନା ଅଞ୍ଚଳରେ ପରକ୍ରିୟା ପ୍ରୀତିକୁ ନେଇ ଏକ ହତ୍ୟାକାଣ୍ଡ ହୋଇଥିବା ଅଭିଯୋଗ ହୋଇଛି । ଅନ୍ୟ ପୁରୁଷ ସହ ପ୍ରେମ ସମ୍ପର୍କ ଧରା ପଡିଯିବା ପରେ ପ୍ରେମିକ ସହ ମିଶି ସ୍ତ୍ରୀ ନିଜ ସ୍ୱାମୀକୁ ହତ୍ୟା କରିଛି । ଘଟଣାରେ ପୁଲିସ ସ୍ତ୍ରୀ ଓ ତାର ପ୍ରେମିକକୁ ଅଟକ ରଖି ପଚରାଉଚୁରା କରୁଛି । ସୂଚନା ଅନୁସାରେ ତାଳଚେର କୋଲିୟାରୀ ଥାନା ଚାଳଗଡ଼ ଗାଁର ଦିଲ୍ଲୀପ ସାମଲଙ୍କୁ ତାଙ୍କ ସ୍ତ୍ରୀ ଓ ପଡୋଶୀ ବିଜୟ ଦାସ ମିଶି ଗତ ଦୁଇଦିନ ତଳେ ମିଶି ମାଡ ମାରିଥିଲେ । ଗୁରୁତର ଅବସ୍ଥାରେ ଦିଲ୍ଲୀପ ଡାକ୍ତରଖାନାରେ ଭର୍ତ୍ତି ହୋଇଥିବା ବେଳେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା । ଦିଲ୍ଲୀପଙ୍କ ମୃତ୍ୟୁ ପରେ ତାଙ୍କ ମା କୋଳିୟାରୀ ଥାନାରେ ଲିଖିତ ଅଭିଯୋଗ କରିଥିଲେ । ଉଭୟଙ୍କ ଭିତରେ ପ୍ରେମ ସମ୍ପର୍କ ଥିବା ଯୋଗୁଁ ଉଭୟ ମିଶି ତାଙ୍କ ପୁଅକୁ ମାରିଦେଇଥିବା ସେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ଘଟଣାର ତଦନ୍ତ କରିବା ସହ ଦିଲ୍ଲୀପଙ୍କ ସ୍ତ୍ରୀ ଓ ବିଜୟଙ୍କୁ ଅଟକ ରଖି ପଚରାଉଚରା କରୁଛି ।
Advertisement
