ଅନୁଗୁଳ – ଅନୁଗୁଳ ସହର ବ୍ରାହ୍ମଣଦେଇପଡାରୁ ଏକ ନବଜାତକ ଶିଶୁପୁତ୍ର ଉଦ୍ଧାର କରାଯାଇଛି । ପଡାର ଏକ ପିଣ୍ଡିରେ କପଡ଼ାରେ ଗୁଡା ହୋଇ ଶିଶୁପୁତ୍ରଟି ପଡିଥିବା ବେଳେ ସେହି ରାସ୍ତାଦେଇ ଯାଉଥିବା ସୁବାସ ଚନ୍ଦ୍ର ହାଜରା ଓ ଅନ୍ୟ ଜଣେ ଯୁବକଙ୍କ ନଜର ପଡିଥିଲା । ଆଖପାଖରେ ପଚରାଉଚରା କରିବା ବେଳେ ଶିଶୁପୁତ୍ରଟିର କେହି ଦାବିଦାର ନଥିବା ଜଣା ପଡିଥିଲା । ଏଣୁ ଉକ୍ତ ଯୁବକ ଦୁଇଜଣ ସଙ୍ଗେ ସଙ୍ଗେ ପୁଲିସକୁ ସୂଚନା ଦେବା ସହ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ଶିଶୁପୁତ୍ରଟିର ଅବସ୍ଥା ସ୍ଥିର ଥିବା ବେଳେ ତାକୁ ଜିଲ୍ଲା ମୁଖ୍ୟ ଚିକିତ୍ସାଳୟର ଏସ ଏନ ସି ୟୁରେ ଭର୍ତ୍ତି କରା ଯାଇଛି । ତେବେ କିଏ ଓ କାହିଁକି ଶିଶୁପୁତ୍ରଟିକୁ ଏଭଳି ଛାଡି ଯାଇଛି ସେ ନେଇ ପୁଲିସ ତଦନ୍ତ କରୁଛି । ଚାଇଲଡ଼ ଲାଇନ ମଧ୍ୟ ଖବର ପାଇ ମୁଖ୍ୟ ଚିକିତ୍ସାଳୟରେ ପହଂଚିଛି ।
Advertisement
