ଜମି ଅଧିଗ୍ରହଣକୁ ବିରୋଧ କରି ଥାନାରେ ମାମଲା – ପ୍ରତିବାଦରେ ଥାନା ଘେରାଉ

ତାଳଚେର – ଅନୁଗୋଳ ଜିଲ୍ଲା ତାଳଚେର ଡ଼ଅଁରା ଗ୍ରାମର ଜମି ଅଧିଗ୍ରହଣକୁ ନେଇ ବିବାଦ ଦେଖାଦେଇଛି । ଫଳରେ ଗ୍ରାମବାସୀ ମାନେ ସ୍ଥାନୀୟ ଗୋପାଳପ୍ରସାଦ ଥାନାକୁ ଘେରାଉ କରିଥିଲେ । ଡ଼ଅଁରା ଗ୍ରାମର ୮୫ ପ୍ରତିଶତ ଜମି ୨୫ ବର୍ଷ ପୂର୍ବେ MCL ଅଧିଗ୍ରହଣ କରି ଗ୍ରାମବାସୀ ମାନଙ୍କୁ ସେମାନଙ୍କର ପ୍ରାପ୍ୟ ଦେଇଥିବା ବେଳେ ବାକିଥିବା ଗ୍ରାମର କେତେକ ଜମିକୁ ଅଧିଗ୍ରହଣ ନକରି ଏବଂ ବାକିଥିବା ଚାକିରୀ ଦେଇ ନାହିଁ । ଗ୍ରାମବାସୀମାନକୁ ବର୍ତ୍ତମାନ ସୁଧା ବିସ୍ଥାପିତ କରାଯାଇନଥିବା ବେଳେ, ବାକିଥିବା କୁଚିଆନାଳି ଗ୍ରାମ ଜମିରେ ଆଉ ଗୋଟିଏ ଗ୍ରାମକୁ ବିସ୍ଥାପିତ କରି ଥଇଥାନ କରିବା ପାଇଁ MCL ଯାଇଥିବା ବେଳେ ଡଅଁରା ଗ୍ରାମବାସୀ ବିରୋଧ କରିଥିଲେ । ଏହାକୁ ନେଇ MCL କର୍ତ୍ତୃପକ୍ଷ ପୁଲିସକୁ ହାତବାରିସ କରି ଗ୍ରାମବାସୀଙ୍କ ନାଁରେ ମାମଲା ରୁଜୁ କରିଥିଲା । ଯାହାକୁ ନେଇ ଶତାଧିକ ଗ୍ରାମବାସୀ ଆଜି ଗୋପାଳପ୍ରସାଦ ଥାନା ଘେରାଉ କରିଥିଲେ । ବୁଝାସୁଝା କରିବା ପରେ ଗ୍ରାମବାସୀ ମାନେ ନିଜ ଆନ୍ଦୋଳନରୁ ଓହରିଥିବା ଜଣା ପଡ଼ିଛି ।

Advertisement