ଆଠମଲ୍ଲିକ – ଅନୁଗୁଳ ଜିଲ୍ଲା ଠାକୁରଗଡ଼ ଥାନା ଅଞ୍ଚଳରେ ଶନିବାର ବଇଣ୍ଡା ଏବଂ ଆଠମଲ୍ଲିକ ଅବକାରୀ ବିଭାଗ ଚଢ଼ାଉ କରି ଥିଲା I ଚଢାଉ ବେଳେ ସଦାନନ୍ଦପୁର ଗ୍ରାମର ରିନା ବେହେରାଙ୍କ ଠାରୁ ୧୦ ଲିଟର ଦେଶୀ ମଦ ଜବତ କରାଯାଇଥିଲା I ସେହିଭଳି ଆନନ୍ଦପୁର ଗ୍ରାମର ମିତାଲି ପଧାନଙ୍କ ଠାରୁ ୧୦ ଲିଟର , ନୀଳିମା ପଧାନଙ୍କ ଠାରୁ ୧୫ ଲିଟର ଏବଂ ୫୦କେଜି ପୋଚ ଜବତ କରି ନଷ୍ଟ କରାଯାଇଛି I ରାଜିଙ୍ଗ ଗ୍ରାମର ସୁରେଶ ଚନ୍ଦ୍ର ବେହେରାଙ୍କ ଠାରୁ ୪୦ ଲିଟର ଏବଂ ଏକ ମୋଟରସାଇକେଲ ଜବତ କରାଯାଇଛି I ସେହି ଗ୍ରାମର ନବଘନ ବେହେରାଙ୍କ ଠାରୁ ୪୦ ଲିଟର ଦେଶୀ ମହୁଲି ମଦ ମଧ୍ୟ ଜବତ କରା ଯାଇଥିଲା I ଏଥିପାଇଁ ଏହି ୫ ଅଭିଯୁକ୍ତଙ୍କୁ ବେଆଇନ ଭାବେ ମଦ ବିକ୍ରି କରୁଥିବା ଅଭିଯୋଗରେ ଗିରଫ କରି କୋର୍ଟ ଚାଲାଣ କରିଥିବା ଜଣା ପଡିଛି I
Advertisement
