ସମ୍ବଲପୁର – ସମ୍ବଲପୁର ପୁଲିସ IOCL ପାଇପଲାଇନ ଡକାୟତି ଗ୍ୟାଙ୍ଗ ଠାବ କରିବା ସମେତ ୬ ଜଣଙ୍କୁ ଗିରଫ କରିଛି । ଏନେଇ ଆଜି ସମ୍ବଲପୁର ଏସପି ବାତୁଲା ଗଙ୍ଗାଧର ସୁଚନା ଦେଇଛନ୍ତି । ତେବେ ଏହି ଗ୍ୟାଙ୍ଗରେ ଅନୁଗୁଳର କିଛି ସଦସ୍ୟ ମଧ୍ୟ ଥିବା ଜଣା ପଡିଛି । ଗିରଫ ୬ ଅଭିଯୁକ୍ତ ମାନେ ହେଲେ ଅନୁଗୁଳ ବଅଁରପାଳ ଟେଣ୍ଟୁଲୋଇ ଗାଁର ଦୁଷ୍ମନ୍ତ ନାଏକ , ନିଶା ଥାନା ଗୋଳାବନ୍ଧ ଗାଁର ସିପୁନ ବେହେରା , ପରତରା ଗାଁ ମଳୟ କଣ୍ଣ , ଏବଂ ସମ୍ବଲପୁର ଜିଲ୍ଲା ବରାଇପାଲିର ବିନୟ ନାଗ , କ୍ଷେତରାଜପୁରର ଦିପକ କୁମାର ଗୋୟଲ , ବରେଇପାଳିର ସୁବାଷ ଅଗ୍ରୱାଲା । ଏମାନଙ୍କ ମଧ୍ୟରେ ଜଣେ ତେଲି ଟାଙ୍କି ମାଲିକ ମଧ୍ୟ ରହିଛନ୍ତି । ସେମାନଙ୍କ ନିକଟରୁ ୩ ଟି ତେଲ ଟ୍ୟାଙ୍କର ଟ୍ରକ , ୧୮ ହଜାର ଲିଟର ଚୋରା ତେଲ , ଗୋଟିଏ କାର , ୱେଲଡିଙ୍ଗ ମେସିନ , କଟର , ଜେନେରେଟର ଆଦି ଜବତ କରା ଯାଇଛି । ସୂଚନା ଅନୁସାରେ ଏହି ଗ୍ୟାଙ୍ଗର ସଭ୍ୟ ମାନେ ପାରାଦୀପ-ରାଞ୍ଚି ପାଇପଲାଇନରେ ଅତି ଚରୁରତା ସହ ପାଇପଲାଇନରୁ ତେଲ ଚୋରି କରୁଥିଲେ । ଏହି ଆନ୍ତରାଜ୍ୟ ତେଲ ଚୋର ଡକାୟତ ମାନେ ଢେଙ୍କାନାଳ, ସମ୍ବଲପୁର, ଝାରସୁଗୁଡା , ଅନୁଗୁଳ , ବରଗଡ ଜିଲ୍ଲାର ବିଭିନ୍ନ ସ୍ଥାନରେ ପାଇପଲାଇନରୁ ତେଲ ଚୋରି କରି କମ ଦାମରେ ବିକ୍ରି କରୁଥିଲେ । ଏହି ଗିରଫ ଅଭିଯୁକ୍ତ ମାନଙ୍କ ନାମରେ ବିଭିନ୍ନ ସ୍ଥାନରେ ପୂର୍ବରୁ ୨୩ ଟି ମାମଲା ଥିବା ବେଳେ ଆଗକୁ ମଧ୍ୟ ପୁଲିସ ଏନେଇ ଅଧିକ ତଦନ୍ତ ଜାରି ରଖିଥିବା ସମ୍ବଲପୁର ଏସପି ସୂଚନା ଦେଇଛନ୍ତି । ପୂର୍ବରୁ ଏହି ମାମଲାରେ ପୁଲିସ ୪ ଜନନନ୍କୁ ଗିରଫ କରିଥିଲା । ଏବେ ମଧ୍ୟ ଏହି ଘଟଣାରେ ଆହୁରି ୭ ଜଣ ଡକାୟତ ଓ ୨ ଜଣ ଏମାନଙ୍କ ଠାରୁ ଚୋରା ଜିନିଷ କିଣିଥିବା ବ୍ୟକ୍ତି ଗିରଫ ହେବାର ଅଛି ବୋଲି ଏସପି ସୂଚନା ଦେଇଛନ୍ତି ।
Advertisement
