ଅନୁଗୋଳ – ଆହତ ମାଈ ହାତୀକୁ ଚିକିତ୍ସା ପାଇଁ କପିଳାସ ନିଆଗଲା । ସେଠାରେ ତାର ଚିକିତ୍ସା କରାଯିବ । ସୂଚନା ଅନୁସାରେ ଗତ ମେ ମାସ ୯ ତାରିଖରେ ଆମ୍ବ ଖାଇବାକୁ ଆସି ଦୁଇ ଗଛ ମଧ୍ୟରେ ଏକ ମାଈ ହାତୀ ଫସିଯାଇଥିଲା । ପ୍ରାୟ ତିନି ଘଣ୍ଟା ପରିଶ୍ରମ ପରେ ତାକୁ ଉଦ୍ଧାର କରା ଯାଇଥିଲା । ତେବେ ସେହିଦିନ ଠାରୁ ତାର ଆଗ ବାମ ଗୋଡ଼ରେ ଗଭୀର ଆଘାତ ଲାଗିଥିଲା । ବନ ବିଭାଗ ପକ୍ଷରୁ ତାକୁ ଇଂଜେକସନ ଦିଆ ଯାଇଥିଲେ ମଧ୍ୟ ସୁସ୍ଥ ହେଉ ନଥିବାରୁ ଅଧିକ ଚିକିତ୍ସା ପାଇଁ ଆଜି ତାକୁ କପିଳାସ ନିଆ ଯାଉଛି । ଚିକିତ୍ସିତ ହୋଇ ସୁସ୍ଥ ହେବା ପରେ ତାକୁ ପୁଣି ଅନୁଗୋଳ ସାତକୋଶିଆକୁ ଫେରାଇ ଅଣାଯିବ ବୋଲି DFO ବିବେକ କୁମାର ସୂଚନା ଦେଇଛନ୍ତି ।
Advertisement
