ଟ୍ରକ ଓଲଟି ପାଣିରେ ଭାସିଗଲା ୪୦୦ ବସ୍ତା ଧାନ

ତାଳଚେର – ଟ୍ରକ ଓଲଟି ପାଣିରେ ଭାସିଗଲା ଧାନବସ୍ତା । ଏଭଳି ଘଟଣା ଅନୁଗୋଳ ଜିଲ୍ଲା ସମଲ -ପବିତ୍ରନଗର ରାସ୍ତାରେ ଦେଖିବାକୁ ମିଳିଛି । ସମାକୋଇ ପୋଲରେ ଧାନ ବୋଝେଇ ଟ୍ରକ୍ ଓଲଟି ଯିବା ଫଳରେ, ନଦୀରେ ୪୦୦ରୁ ଅଧିକ ଧାନବସ୍ତା ଭାସି ଯାଇଛି । ସୂଚନା ଅନୁସାରେ ପୋଲ ଉପରେ ଦେଇ ଟ୍ରକଟି ରାସ୍ତା ଅତିକ୍ରମ କରୁଥିବା ବେଳେ ଭାରସାମ୍ୟ ହରାଇ ପୋଲ ଉପରେ ଦୁର୍ଘଟଣାଗ୍ରସ୍ତ ହୋଇଥିଲା । ଡ୍ରାଇଭର ଅଳ୍ପକେ ବର୍ତ୍ତି ଯାଇଥିଲେ ମଧ୍ୟ ଟ୍ରକରେ ଥିବା ଧାନ ବସ୍ତା ପୋଲ ତଳକୁ ପଡି ଭାସି ଯାଇଥିଲା । ଖବର ଅନୁସାରେ ଏହି ଧାନ ବୋଝେଇ ୧୨ ଚକିଆ ଟ୍ରକ୍ ଟି ପରାବିଲ୍ ସମବାୟ ସମିତିରୁ ଧାନ ନେଇ ଅନୁଗୁଳ ମିଲ ଅଭିମୁଖେ ଯାଉଥିବା ବେଳେ ଦୁର୍ଘଟଣା ଘଟିଥିଲା ।

Advertisement