ଭଡାଘରୁ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର

ଅନୁଗୁଳ – ଅନୁଗୁଳ ସହର ଟାଉନ ହାଇସ୍କୁଲ ପଛ ପାଖରେ ଥିବା ଏକ ଭଡା ଘରୁ ଜଣେ ମହିଳାଙ୍କ ମୃତ ଦେହ ଜବତ ହୋଇଛି । ତେବେ ମୃତ ମହିଳା ହେଲେ ୨୮ ବର୍ଷୀୟ ଲୋପିତା ଖଣ୍ଡୁଆଳ । ସୂଚନା ଅନୁସାରେ ଲୋପିତାଙ୍କ ସ୍ଵାମୀ ରେଳ ବିଭାଗରେ ଚାକିରି କରୁଥିବା ବେଳେ ଭଡା ଘରେ ଲୋପିତା ପ୍ରାୟ ଏକୁଟିଆ ରୁହନ୍ତି । ଲୋପିତା ଆଜି ସନ୍ଧ୍ୟାରେ ତାଙ୍କର ୮ ବର୍ଷୀୟ ପୁଅକୁ ଇକୋ ପାର୍କ ପାଖରେ ଥିବା ତାଙ୍କ ସାଙ୍ଗ ଘରେ ଛାଡି ଦେଇ ଆସିଥିଲେ । ବହୁ ସମୟ ଧରି ନ ଆସିବାରୁ ତାଙ୍କ ସାଙ୍ଗ ଲୋପିତାଙ୍କୁ ଫୋନ କରିଥିଲେ । ହେଲେ ବାରମ୍ବାର ଫୋନ କରିବା ପରେ ନ ଉତ୍ୟହାଇବାରୁ ବାଧ୍ୟ ହୋଇ ତାଙ୍କ ସାଙ୍ଗ ଲୋପିତାଏନକେ ପୁଅକୁ ଧରି ଲୋପୀତା ରହୁଥିବା ଭଡାଘରକୁ ଆସିଥିଲେ । ତେବେ ଘର ଭିତର ପଟରୁ ବନ୍ଦ ଥିବା ବେଳେ କେହି ନଶୁଣିବାରୁ ତାଙ୍କର ସନ୍ଦେହ ହୋଇଥିଲା । ଝରକାରେ ଦେଖିବା ବେଳେ ଲୋପିତାଙ୍କ ମୁତଦେହ ଝୁଲୁଥିବା ଦେଖି ସେ ପୁଲିସକୁ ସୂଚନା ଦେଇଥିଲେ । ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରତମ୍ଭ କରିଥିବା ବେଳେ ତାଙ୍କ ସ୍ବାମୀଙ୍କୁ ସୂଚନା ଦିଆ ଯାଇଛି ।

Advertisement