ଛେଣ୍ଡିପଦା – ଅନୁଗୋଳ ଜିଲ୍ଲା ଜରପଡା ଥାନା ଦେଈ ଯାଇଥିବା ଅନୁଗୋଳ ସମ୍ବଲପୁର 55ନଂ ଜାତୀୟ ରାଜପଥର ଭାଗିରଥିପୁର ଛକରେ ରବିବାର ଟ୍ରକ ଧକ୍କାରେ ଜଣେ ମହିଳାଙ୍କର ମୃତ୍ୟୁ ହୋଇଛି । ମୃତ ମହିଳା ଜଣଙ୍କ ହେଲେ ଜରପଡ଼ା ଥାନା ଭାଗିରଥୀପୁର ଗାଁର ସ୍ୱର୍ଗତ ବିଦେଶୀ ସାହୁଙ୍କ ସ୍ତ୍ରୀ ଝଟକ ସାହୁ ବୋଲି ଜଣା ପଡ଼ିଛି । ସୂଚନା ଅନୁସାରେ ଝଟକ ଝିଅ ଘରକୁ ଯିବା ପାଇଁ ଭାଗିରଥିପୁର ଛକ ଠାରେ ବସକୁ ଅପେକ୍ଷା କରିଥିଲେ । ଏହି ସମୟରେ ସମ୍ବଲପୁର ଆଡୁ ଅନୁଗୋଳ ଆଡ଼େ ଆସୁଥିବା ଏକ ଟ୍ରକ ତାଙ୍କୁ ଧକ୍କା ଦେଇ ପଳାଇ ଯାଇଥିଲା । ଫଳରେ ଘଟଣା ସ୍ଥଳରେ ହିଁ ଝଟକଙ୍କର ମୃତ୍ୟୁ ହୋଇଥିଲା । ସେପଟେ ଦୁର୍ଘଟଣା ଘଟାଇ ଟ୍ରକଟି ପଳାଇ ଯାଉଥିବା ବେଳେ ସ୍ଥାନୀୟ ଲୋକ ତାକୁ ଗୋଡ଼ାଇ ସାନ୍ତାରାପୁର ଠାରେ ଅଟକାଇ ପୁଲିସର ଜିମା ଦେଇଥିଲେ । ଜରପଡ଼ା ପୁଲିସ ମୃତଦେହକୁ ଜବତ କରିବା ସହିତ ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରିଛି । ପୋଲିସ ଟ୍ରକକୁ ଜବତ କରି ତଦନ୍ତ କରୁଛି । ଟ୍ରକ ଚାଳକ ଥାନାରେ ଅଟକ ଅଛି ।
Advertisement
