ଅନୁଗୁଳ – ଅନୁଗୁଳ ଅବକାରୀ ବିଭାଗକୁ ମିଳିଛି ଏକ ବଡ ସଫଳତା । ଜିଲ୍ଲା ସଦର ମହକୁମା ଉପକଣ୍ଠ ରେ ଚାଲିଥିବା ଏକ ନକଲି ମଦ ଫ୍ୟାକ୍ଟେରି ଉପରେ ଚଢ଼ାଉ କରି ବିପୁଳ ପରିମାଣର ନକଲି ମଦ , ଠିପି , ବୋତଲ ଏବଂ ସ୍ପିରିଟ ଜବତ କରିଛି । ସୂଚନା ଅନୁସାରେ ଅନୁଗୁଳ ଉପକଣ୍ଠ ପଞ୍ଚମହଲା ନିକଟରେ ଏକ ନକଲି ମଦ ଫ୍ୟାକ୍ଟେରିରେ ନକଲି ମଦ ତିଆରି ହେଉଥିବା ଖବର ପାଇ ଅବକାରୀ ବିଭାଗ ଚଢାଉ କରିଥିଲା । ସୁଧାକର ମହାନ୍ତି ନାମକ ଜଣେ ବ୍ୟକ୍ତି ଘରେ ବିଦେଶୀ ମଦ ତିଆରି କରୁଥିବା ଜାଣିବାକୁ ମିଳିଥିଲା । ତାଙ୍କ ଘରେ ଚଢ଼ାଉ କରି ପ୍ରଥମେ ୩୧୪ ବୋତଲ ନକଲି ମଦ ଜବତ କରିଥିଲା । ପରେ ସୁଧାକରକୁ ଅଟକ ରଖି ପଚରାଉଚରା କରିବା ପରେ ବଣିଆବାହାଳ ଗାଁରେ ବିପୁଳ ପରିମାଣର ମଦ ଓ ମଦ ତିଆରି ସାମଗ୍ରୀ ଥିବା ସେ କହିଥିଲା । ତୁରନ୍ତ ସେହି ସ୍ଥାନରେ ଚଢ଼ାଉ କରି ୧୪୦ ଲିଟର ସ୍ପିରିଟ , ୩୫୦୦ ଠିପି ଓ ୩୦ ଲିଟର ଦେଶୀ ମଦ ସହ ଅନ୍ୟାନ୍ୟ ସାମଗ୍ରୀ ଜବତ କରିଥିଲା । ନକଲି ମଦ ତିଆରି କରି ବଜାରରେ ବିକ୍ରି କରୁଥିବା ଅଭିଯୋଗରେ ସୁଧାକରକୁ ଗିରଫ କରି କୋର୍ଟ ଚାଲାଣ କରା ଯାଇଛି ।
Advertisement
