ଅନୁଗୁଳ – ଅନୁଗୁଳ ଜିଲ୍ଲାରେ ତାପମାତ୍ରା ଆଶାତୀତ ଭାବେ ବୃଦ୍ଧି ପାଇଥିବା ବେଳେ ବିଭିନ୍ନ ସ୍ଥାନରେ ଜଳ ସଙ୍କଟ ଦେଖା ଗଲାଣି । ପିଇବା ପାଣି ଟିକିଏ ପାଇବା ପାଇଁ ଅନେକ ଗାଁର ଲୋକ ଦହଗଞ୍ଜ ହେବା ଦେଖିବାକୁ ମିଳିଲାଣି । ଅନୁଗୁଳ ଜିଲ୍ଲା କୁଇଓ ଗାଁରେ ଏବେ ପାନୀଯ ଜଳ ସମସ୍ୟା ସବୁବର୍ଷ ପରି ଉତ୍କଟ ହେଲାଣି । ପାନୀୟ ଜଳ ଯୋଗାଇ ଦେବା ପାଇଁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗଣଧାରଣା ଦେଇଛନ୍ତି ସ୍ଥାନୀୟ ଏହି ବଅଁରପାଳ ବ୍ଲକ ଅନ୍ତର୍ଗତ ଜାମୁନାଳୀ ପଞ୍ଚାୟତର କୁଈଓ ଜଙ୍ଗଲ ମୌଜା ଏବଂ କୁଈଓ ଗ୍ରାମବାସୀ । ସେମାନଙ୍କ କହିବାନୁସାରେ, ପ୍ରଶାସନ ପକ୍ଷରୁ ଏବେ ଯାଏଁ ଗାଁକୁ ପିଇବା ପାଣି ଯୋଗାଇଦେବା ପାଇଁ କୌଣସି ବ୍ୟବସ୍ଥା କରାଯାଇନାହିଁ । ଭରତପୁର ଏମ୍ସିଏଲ୍ ପ୍ରତି ବର୍ଷ ମାର୍ଚ୍ଚ ଠାରୁ ମେ ମାସ ଯାଏଁ ତାଙ୍କ ଗାଁକୁ ଟ୍ୟାଙ୍କର ଯୋଗେ ପାନୀୟ ଜଳ ଯୋଗାଇ ଥାଏ । କିନ୍ତୁ ଏବେ ଖରା ଦିନ ହୋଇଥିଲେ ବି ଭରତପୁର ଏମ୍ସିଏଲ୍ ପକ୍ଷରୁ ପାନୀୟ ଜଳ ଯୋଗାଯାଇନାହିଁ । ଫଳରେ ଗ୍ରୀଷ୍ମର ପ୍ରବାହରେ ସେମାନେ ପିଇବାକୁ ଭଲ ପାଣି ମୁନ୍ଦେ ପାଉନାହାନ୍ତି । ଏ ନେଇ ପୂର୍ବରୁ ଜିଲ୍ଲାପାଳ ଏବଂ ଭରତପୁର ଏମ୍ସିଏଲ୍ର ବରିଷ୍ଠ ଅଧିକାରୀଙ୍କୁ ଦରଖାସ୍ତ ମାଧ୍ୟମରେ ଜଣାଇଥିଲେ ମଧ୍ୟ କୌଣସି ସୁଫଳ ମିଳିନାହିଁ । ଏଣୁ ବାଧ୍ୟ ହୋଇ ଆଜି ଗାଁ ଲୋକେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗଣଧାରଣା ଦେଇଥିଲେ ।
Advertisement
