ଓଡିଶା ରାଜ୍ୟ ବରିଷ୍ଠ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟ ଉଦଘାଟିତ

ଅନୁଗୁଳ – ଅନୁଗୁଳ ନାଲକୋନଗରସ୍ଥିତ ଇନଡୋର ହଲରେ ଅନୁଗୁଳ ଜିଲ୍ଲା ୟୁନାଇଟେଡ୍ ବ୍ୟାଡମିଣ୍ଟନ୍ ଆସୋସିଏସନ୍ ଦ୍ବାରା ” ଓଡିଶା ରାଜ୍ୟ ବରିଷ୍ଠ ବ୍ୟାଡମିଣ୍ଟନ୍ ଟୁର୍ନାମେଣ୍ଟ ୨୦୨୦ ” ଉଦଘାଟିତ ହୋଇ ଯାଇଛି | ଓଡିଶାର ବିଭିନ୍ନ ଜିଲ୍ଲାରୁ ୧୦୯ ଜଣ ପୁରୁଷ ଏବଂ ମହିଳା ଖେଳାଳି ଭାଗ ନେଇଛନ୍ତି । ପୁରୁଷ ଏକକ , ପୁରୁଷ ଯୁଗଳ , ମହିଳା ଏକକ , ମହିଳା ଯୁଗଳ ଏବଂ ମିଶ୍ରିତ ଯୁଗଳ ବର୍ଗରେ ଏହି ଖେଳାଳି ମାନେ ଅଂଶଗ୍ରହଣ କରିବେ । ଆଜିର ଉଦଘାଟନୀ ଉତ୍ସବରେ ନବରଙ୍ଗପୁର ବିଧାୟକ ସଦାଶିବ ପ୍ରଧାନୀ , ନାଲକୋ ଇଡି ,ଏସ & ପି ଓ ଜିଜିଏମ ଅତିଥି ଭାବେ ଯୋଗ ଦେଇ ଥିଲେ । ଓଡ଼ିଶାର ଏକ ନମ୍ବର ରାଙ୍କରେ ଥିବା ଆର୍ୟା ମାଝୀ ଦ୍ଵିତୀୟ ରାଙ୍କରେ ଥିବା ସ୍ୱାଧୀନ ଗୌଡ଼ ମଧ୍ୟ ଭାଗ ନେଇଥିବା ବେଳେ ଆଜି ପ୍ରଥମ ପର୍ଯ୍ୟାୟ ଖେଳରେ ଉଭୟ ଉତ୍ତୀଣ୍ଣ ହୋଇଛନ୍ତି । ଅନୁଗୁଳ ଜିଲ୍ଲା ବ୍ୟାଡମିଣ୍ଟନ ଆସୋସିଏସନ ପକ୍ଷରୁ ଶ୍ରୀ ସୁବାଷ ଚନ୍ଦ୍ର ମିଶ୍ର , ସଚିବ ( ଅନୁଗୁଳ ଜିଲ୍ଲା ୟୁନାଇଟେଡ ବ୍ୟାଡମିଣ୍ଟନ ଆସୋସିଏସନ ) ସୂଚନା ଦେଇଛନ୍ତି ଯେ ଅନୁଗୁଳ ଜିଲ୍ଲାର ପ୍ରତିଭାମାନଙ୍କୁ ଉତ୍ସାହିତ କରିବା ଏବଂ ଅନୁଗୁଳ ଜିଲ୍ଲାରେ କ୍ରୀଡ଼ାକୁ ପ୍ରୋତ୍ସାହିତ କରିବା ପାଇଁ ଏହି କାର୍ଯ୍ୟକ୍ରମ ଆୟୋଜିତ ହୋଇଛି ।

Advertisement