ଅନୁଗୋଳ – ଅନୁଗୋଳ ସହର ଆରଡି କଲୋନୀର ଡ୍ରେନରୁ ଆଜି ସକାଳେ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି । ମୃତ ଯୁବକ ଜଣଙ୍କ ଆଁକୁଲା ଗାଁର ଅକ୍ରୁର ସାହୁ ବୋଲି ଜଣା ପଡିଥିବା ବେଳେ ସେ ସେହି ଅଞ୍ଚଳରେ ଘର ଭଡା ନେଇ ରହୁଥିଲେ । ଏହା ସହ ସେ ତାର୍ମିତ କଲୋନୀରେ ଏକ ଗ୍ୟାରେଜ କରିଥିବା ଜଣା ପଡ଼ିଛି । ବିଳମ୍ବିତ ରାତିରେ ସେ ନିଜ ଭଡା ଘରକୁ ଫେରୁଥିବା ବେଳେ କୌଣସି କାରଣ ବଶତଃ ଡ୍ରେନରେ ପଡି ଯାଇଥିଲେ । ସେ ସେଠାରୁ ଉଠି ପାରି ନଥିବା ବେଳେ ସକାଳେ ସ୍ଥାନୀୟ ସେ ପଡିଥିବା ଦେଖିବାକୁ ପାଇଥିଲେ । ସେତେବେଳକୁ ତାଙ୍କର ମୃତ୍ୟୁ ହୋଇ ସାରିଥିଲା । ଖବର ପାଇ ଅନୁଗୋଳ ପୁଲିସ ଘଟଣା ସ୍ଥଳରେ ପହଞ୍ଚି ଶବ ବ୍ୟବଚ୍ଛେଦ ପାଇଁ ପଠାଇ ତଦନ୍ତ କରୁଛି ।
Advertisement
