କାର ଧକ୍କାରେ ମୋଟରସାଇକେଲ ଚାଳକ ମୃତ

ଅନୁଗୁଳ – କାର୍ ଧକ୍କାରେ ଜଣେ ମୃତ । ଅନୁଗୁଳ ବ୍ଲକ ଅନ୍ତର୍ଗତ ଛେଳିଆପଡା ଛକ ନିକଟରେ ମୋଟରସାଇକେଲକୁ କାର ଧକ୍କା ଦେବା ଫଳରେ ଜଣଙ୍କର ମୃତ୍ୟୁ ହୋଇଛି । ମୃତକ ଜଣଙ୍କ ହେଲେ ଫୁଲପଡା, ଖଳିନାଳ ସାହିର ଅକ୍ଷୟ ନାଏକ (୪୫) । ସେ ନିଜ କବାଡି ବେପାର ସାରି ଘରକୁ ଫେରୁଥିବା ସମୟରେ ଦ୍ରୁତଗତିରେ ଆସୁଥିବା ଏକ କାର୍ ତାଙ୍କୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ହିଁ ଅକ୍ଷୟ ଙ୍କ ପ୍ରାଣବାୟୁ ଚାଲି ଯାଇଥିଲା । ଦୁର୍ଘଟଣା ଘଟାଇଥିବା କାର୍ ଟି ଘଟଣା ସ୍ଥଳରେ ରହିଥିବା ବେଳେ ବସିଥିବା ଯାତ୍ରୀ ଓ କାର୍ ଚାଳକ ଫେରାର ହୋଇଯାଇଛନ୍ତି । ଦୂର୍ଘଟଣା ପରେ ଘଟଣା ସ୍ଥଳରେ ଚାପା ଉତ୍ତେଜନା ଦେଖା ଦେଇଥିଲା । ମୃତ ଦେହ ରାସ୍ତା ଉପରେ ରଖି ପରିବାରବର୍ଗ ଓ ଗ୍ରାମବାସୀ ଆନ୍ଦୋଳନ କରିଥିଲେ । ପରେ ସଦର ଥାନା ପୁଲିସ ପହଂଚି ବୁଝାସୁଝା କରିବା ପରେ ପରିସ୍ଥିତି ନିୟନ୍ତ୍ରଣାଧିନ ହୋଇଥିଲା ।

Advertisement