ଅନୁଗୁଳ – ଅନୁଗୁଳ ଜିଲ୍ଲା ତାଳଚେର ପୁଲିସ ଗୁରୁବାର ୪୯ ନମ୍ବର ଜାତୀୟ ରାଜପଥରୁ ୧୩ ଗ୍ରାମ ବ୍ରାଉନ୍ ସୁଗାର ଜବତ କରିଛି । ଆଉ ଏହି ବ୍ରାଉନସୁଗାର କାରବାରରେ ସମ୍ପୃକ୍ତ ୬ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ପୁଲିସ ସୂଚନା ଅନୁସାରେ , କୌଣସି ସୁତ୍ରରୁ ଖବର ପାଇ ତାଳଚେର ପୁଲିସର ଏମ ଟିମ ରାଜପଥରେ ଛକି ରହିଥିବା ବେଳେ ବଅଁରପାଳରୁ ତାଳଚେର ଅଭିମୂଖେ ଆସୁଥିବା ଓଡି୧୯ସି-୩୨୮୪ ଗାଡିକୁ ଅଟକାଇଥିଲା । ପୁଲିସ ଗାଡି ଅଟକଉଥିବା ଦେଖି କାରଟି ବୁଲି ପଳାଇବାକୁ ଚେଷ୍ଟା କରୁଥିବା ବେଳେ ପୁଲିସ ଅଟକାଇ ଦେଇଥିଲା । ସେହି ସମୟରେ କାରର ଡ୍ରାଇଭର ଖସି ଯିବାକୁ ମଧ୍ୟ ଚେଷ୍ଟା କରୁଥିଲା । ତେବେ ପୁଲିସ ଡ୍ରାଇଭର ଏବଂ ଗାଡିରେ ଥିବା ଅନ୍ୟମାନଙ୍କୁ କାବୁ କରି ନେଇଥିଲା । ଯାଞ୍ଚ ଓ ପଚରାଉଚରା ବେଳେ ତାଙ୍କ ନିକଟରୁ ୧୩.୭୩୦ ଗ୍ରାମ ବ୍ରାଉନସୁଗାର ମିଳିଥିଲା । ସେମାନେ ଏହି ବ୍ରାଉନସୁଗାର ତାଳଚେର ଅଞ୍ଚଳରେ ବିକ୍ରି କରିବାକୁ ଆଣିଥିଲେ ବୋଲି ଜଣା ପଡିଛି । ପୁଲିସ ସମସ୍ତ ୬ ଜଣଙ୍କୁ ଗିରଫ କରି କୋର୍ଟ ଚାଳନ କରିଛି । ଗିରଫ ଅଭିଯୁକ୍ତ ମାନେ ହେଲେ ତାଳଚେର ବ୍ଲକ ଅନାଦିପୁରର ହରେଶ ଓରଫ ଦୁଷ୍ମନ୍ତ ବଗାର , କିଶୋରିପାଳ ଗ୍ରାମର କିଶୋର କୁମାର ନାଏକ , ତାଳଚେର ଥାନା ଅରାସାହିର ବାଳକୃଷ୍ଣ ଭୂତିଆ, ତାଳଚେର ପୌରାଞ୍ଚଳ ରେମୁଆଁର ମନୋଜ ପଟନାୟକ ,ସ୍କଟଲାଣ୍ଡପୁରର ଚତୁରା ନାଏକ, ଖୋର୍ଦ୍ଧା ଗୁରୁଜାଙ୍ଗ ଟାଙ୍ଗିସାହିର ସୋମନାଥ ସାହୁ । ପୁଲିସ ସେମାନଙ୍କ ଠାରୁ ୩ଟି ମୋବାଇଲ ଓ ଏକ କାର(ଓଡି୧୯ସି- ୩୨୮୪)କୁ ମଧ୍ୟ ଜବତ କରିଛି ।
Advertisement
