ଅନୁଗୁଳ – ତାଳଚେର ଟିଟିପିଏସ ପ୍ଲାଣ୍ଟକୁ ଯେଉଁଭଳି ଭାବରେ ବନ୍ଦ କରିଦିଆଗଲା , ତାହା ଅନୁଗୁଳ ତଥା ଓଡିଶା ପାଇଁ ଦୁର୍ଭାଗ୍ୟଜନକ । ପ୍ରଦୂଷଣର ଆଳ ଦେଖାଇ କେନ୍ଦ୍ର ସରକାର ଏହାକୁ ବନ୍ଦ କରିଦେଲେ । ଯାହାଫଳରେ ୨ ହଜାର ସ୍ଥାୟୀ ଓ ଅସ୍ଥାୟୀ ଶ୍ରମିକଙ୍କ ସମେତ ୫ ହଜାରରୁ ଉର୍ଦ୍ଧ୍ବ ଲୋକ ରୋଜଗାର ହରାଇଲେ । ସେପଟେ ଟିଟିପିଏସ ପକ୍ଷରୁ ନୂତନ ପ୍ଲାଣ୍ଟ ତିଆରି ପାଇଁ କୌଣସି ସଠିକ ତଥ୍ୟ ପ୍ରଦାନ କରା ଯାଉ ନାହିଁ କି କାମରେ ଅଗ୍ରଗତି ମଧ୍ୟ କରା ଯାଉ ନାହିଁ । ଏଭଳି ତରବରିଆ ଭାବରେ ଟିଟିପିଏସ୍ ବନ୍ଦକୁ ତୀବ୍ର ବିରୋଧ କରିଛି ବିଜେଡି । ଏଥିପାଇଁ ଆଜି ୧୨ ଘଣ୍ଟିଆ ଅନୁଗୁଳ ବନ୍ଦ ଦେଇଥିଲା ଦଳ । ତେବେ ପ୍ରାୟ ୭ ଘଣ୍ଟାର ଆନ୍ଦୋଳନ ପରେ ବନ୍ଦକୁ ପ୍ରତ୍ୟାହାର କରି ନିଆଯାଇଛି । ଏ ନେଇ ସୂଚନା ଦେଇଛନ୍ତି ବିଜୁ ଜନତା ଦଳ ଜିଲ୍ଲା ସଭାପତି । ତାଙ୍କ କହିବା କଥା ରାଜ୍ୟ ସ୍ତରରୁ ନିର୍ଦେଶକ୍ରମେ ଏହି ବନ୍ଦ ଡାକରା ଦିଆଯାଇଥିଲା । ଆଜି ରାଜ୍ୟ ସରକାର ଓ କେନ୍ଦ୍ର ସରକଙ୍କ ମଧ୍ୟରେ ଟିଟିପିଏସ ବନ୍ଦକୁ ନେଇ ଆଲୋଚନା ହୋଇଥିଲା । ଏହି ଆଲୋଚନା ଏକ ପ୍ରକାର ସଫଳ ହୋଇଛି । ଟିଟିପିଏସ ପ୍ଲାଣ୍ଟକୁ ପୁନଃ ଚାଲୁ କରାଯିବା ସହ ଖୁବ ଶୀଘ୍ର ନୂତନ ପ୍ଳାଣ୍ଟ ଚାଲୁ କରାଯିବ ବୋଲି କେନ୍ଦ୍ର ସରକାର , ରାଜ୍ୟ ସରକାରଙ୍କୁ ପ୍ରତିଶ୍ରୁତି ଦେଇଛନ୍ତି । ରାଜ୍ୟ ସ୍ତରରୁ ଏହି ସୂଚନା ମିଳିବା ପରେ ଏହି ବନ୍ଦକୁ ଅଧାରୁ ପ୍ରତ୍ୟାହାର କରା ଯାଇଛି । ଏହା ପରେ ପ୍ରତିଶ୍ରୁତି ମୁତାବକ କେନ୍ଦ୍ର ସରକାର କାର୍ଯ୍ୟ ନକରି ଟିଟିପିଏସ ପ୍ଳାଣ୍ଟ ଚଳାଇବାରେ ଟାଳଟୁଳ ନୀତି ଅବଲମ୍ବନ କାଲେ ଆନ୍ଦୋଳନ ପୁଣି ଥରେ ଜୋରଦାର କରାଯିବ ବୋଲି ବିଜୁ ଜନତା ଦଳ ପକ୍ଷରୁ ଚେତାବନୀ ମଧ୍ୟ ଦିଆ ଯାଇଛି ।
Advertisement
