ନାଲକୋନଗର – ଅନୁଗୁଳ ଜିଲ୍ଲାର ବଅଁରପାଳ ବ୍ଲକ କୁକୁଡ଼ାଙ୍ଗ ଗାଁ ତେନ୍ତୁଳିପଶି ସ୍କୁଲ ପଛ ପାଖ ଅଙ୍ଗନବାଡ଼ି କେନ୍ଦ୍ର ନିକଟର ବିଲରୁ ୧୦ଦିନ ତଳେ ଏକ ନବଜାତ ଶିଶୁପୁତ୍ରକୁ ଉଦ୍ଧାର କରାଯାଇଥିଲା । ଆଜି ପୁଣି କୁକୁଡାଙ୍ଗ ବ୍ରିଜ ତଳୁ ଆଉ ଏକ ନବଜାତ ଶିଶୁ ପୁତ୍ରର ମୃତଦେହ ଉଦ୍ଧାର କରାଯାଇଛି । ସୂଚନା ଅନୁସାରେ , ଆଜି (ବୁଧବାର) ଦିନ ସକାଳୁ କୁକୁଡାଙ୍ଗ ଗ୍ରାମର ଯୁବକମାନେ ଶୌଚ ହେବାକୁ ଯାଉଥିବା ବେଳେ ଉକ୍ତ ନବଜାତ ଶିଶୁ ପୁତ୍ରଟି ଭାସୁଥିବା ଦେଖିଥିଲେ । ଶିଶୁ ପୁତ୍ରଟି ଏକ ଲୁଗାରେ ଗୁଡ଼ାଇ ହୋଇ ବ୍ୟାଗ ଭିତରେ ପଶି ପାଣିରେ ଭାସୁଥିଲା । ପାଣି ସ୍ରୋତରେ ବ୍ୟାଗ ଭିତରୁ ବାହାରି ପଡ଼ିବାରୁ ଏହା ଯୁବକମାନଙ୍କ ଦୃଷ୍ଟିରେ ପଡ଼ିଥିଲା । ଘଟଣା ଜଣା ପଡିବା ପରେ ଲୋକ ସେଠାରେ ରୁଣ୍ଢ ହୋଇ ଯାଇଥିଲେ । ସଦ୍ୟ ନବଜାତ ଶିଶୁ ପୁତ୍ରଟିର ନାଭି କଟା ହୋଇଥିବା ସ୍ଥାନୀୟ ଲୋକେ ସୂଚନା ଦେଇଛନ୍ତି ।
Advertisement
