ଅନୁଗୁଳ – ଅନୁଗୁଳ ସହରରେ ବିକଟାଳ ଶବ୍ଦ କରୁଥିବା ମୋଟରସାଇକେଲ ଓ ଚାଳକଙ୍କ ଉପରେ କାର୍ଯ୍ୟାନୁଷ୍ଠାନ ଆରମ୍ଭ କରିଛି ପ୍ରଶାସନ । ଅନୁଗୁଳ ପରିବହନ ବିଭାଗ ଏବଂ ପୁଲିସ ସହାୟତାରେ ଆଜି ସନ୍ଧ୍ୟାରେ ବିକଟାଳ ଶବ୍ଦ କରୁଥିବା ମୋଟରସାଇକେଲ ଗୁଡିକୁ ଜାଞ୍ଚ କରି ୧୭ ଟି ମୋଟରସାଇକେଲ ଜବତ କରାଯାଇଛି । ଏହି ୧୭ ମୋଟରସାଇକେଲ ବୁଲେଟ ମୋଟରସାଇକେଲ ହିଁ ରହିଛି ।
ଆଜି ସନ୍ଧ୍ୟାରେ ଅନୁଗୁଳ ଏମ୍ ଭି ଆଇ ବିଭୁ ରଞ୍ଜନଙ୍କ ନେତୃତ୍ୱରେ ଏହି ଜାଞ୍ଚ କରା ଯାଇଥିଲା । ଜାଞ୍ଚ ବେଳେ ଏହି ୧୭ ଟି ମୋଟରସାଇକେଲ ଜବତ କରା ଯାଇଛି । ଏହି ୧୭ ଗାଡି ମଧ୍ୟରୁ ୬ ଜଣ ଚାଳକଙ୍କ ଡ୍ରାଇଭିଂ ଲାଇସେନ୍ସ ନଥିବା ବେଳେ ୭ ଟି ମୋଟରସାଇକେଲର ଇନ୍ସୁରାନ୍ସ ନଥିବା ଜଣା ପଡିଥିଲା । ଏଣୁ ଏହି ସବୁ ଗାଡି ଗୁଡିକ ଉପରେ ଇନ୍ସୁରାନ୍ସ ବାବଦକୁ ୨ ହଜାର , ଡ୍ରାଇଭିଂ ଲାଇସେନ୍ସ ବାବଦକୁ ୫ ହଜାର ଏବଂ ବିକଟାଳ ଶବ୍ଦପାଇଁ ୫ ହଜାର ଜୋରିମନା ଲଗାଯାଇ ମୋଟ ୧ ଲକ୍ଷ ୨୭ ହଜାର ଜୋରିମନା ପାଇଁ ନିର୍ଦେଶ ଦିଆ ଯାଇଛି ।
Advertisement
