ଅନୁଗୁଳ – ଜାଲ ଦସ୍ତଖତ କରି ଟଙ୍କା ଉଠାଇବା ଅଭିଯୋଗରେ ଅନୁଗୁଳ ପୁଲିସ ଜଣେ ମହିଳାଙ୍କୁ ଗିରଫ କରିଛି । ମହିଳା ଜଣଙ୍କର ହେଲେ ଅନୁଗୁଳ ସହର ଅମଲାପଡାର ସଙ୍ଗୀତା ସ୍ଵାଇଁ । ସୂଚନା ଅନୁସାରେ , ବାଲେଶ୍ଵର ଚାନ୍ଦିପୁରରେ ଅଞ୍ଚଳର ଦୁଇଜଣ ଲୋକ ଡିଆରଡିଓ ପରୀକ୍ଷଣ କେନ୍ଦ୍ରର ଏକ ପରୀକ୍ଷା ବେଳେ ଆହତ ହୋଇଥିଲେ । ସେମାନଙ୍କୁ ସହାୟତା ପାଇଁ ସରକାର ୧୫ ଲକ୍ଷ ଟଙ୍କାର ସହାୟତା ପ୍ରଦାନ କରିଥିଲେ । କିନ୍ତୁ ହ୍ୟୁମାନ ରାଇଟ ୱାଚ୍ ନାମକ ବେସରକାରୀ ସଂସ୍ଥାର ସଂପାଦକ ଥିବା ଅନୁଗୁଳର ସଙ୍ଗୀତା ସ୍ଵାଇଁ ଜାଲିଆତି କରି ଏହି ଟଙ୍କା ହଡପ କରି ନେଇଥିବା ଅଭିଯୋଗ ହୋଇଥିଲା । ସଙ୍ଗୀତା , ଜାଲ ଦସ୍ତଖତ କରି ଏହି ଟଙ୍କା ଉଠାଇ ନେଇଥିବା ଏୟାରଫୋର୍ସର କୋଲକତାସ୍ଥିତ ଗ୍ରୁପ୍ କ୍ୟାପଟେନ ଅନୁଗୁଳ ଥାନାରେ ଅନଲାଇନ ଜରିଆରେ ଅଭିଯୋଗ କରିଥିଲେ । ପୁଲିସ ଏହି ଘଟଣାରେ ୩୦୫/୨୧ରେ ଏକ ମାମଲା ରୁଜୁ କରି ଘଟଣାର ତଦନ୍ତ କରି ଆଜି ସଙ୍ଗୀତା ସ୍ଵାଇଁଙ୍କୁ ଗିରଫ କରି କୋର୍ଟ ଚାଲାଣ କରିଛି ।
Advertisement
