ଦୋକାନ ଘର ଭିତରକୁ ପଶିଗଲା ଟ୍ରକ

ଛେଣ୍ଡିପଦା – ଅନୁଗୁଳ ୬୩ନଂ ରାଜ୍ୟ ରାଜପଥର ଛେଣ୍ତିପଦା ଥାନା ଛକରେ ଭାରସାମ୍ୟ ହରାଇ ଏକ ଟ୍ରକ ରାସ୍ତା କଡରେ ଥିବା ୨ଟି ଦୋକାନ ଘରକୁ ଧକ୍କା ଦେଇଥିଲା । ଫଳରେ  ଦୋକାନ ଦୁଇଟି ସମ୍ପୁର୍ଣ୍ଣ ଭାଙ୍ଗି ଯିବା ସହ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇ ଯାଇଛି । ସୌଭାଗ୍ୟ ବଶତଃ ଟ୍ରକର ଚାଳକ ଅଳ୍ପକେ ବର୍ତ୍ତି ଯାଇଛନ୍ତି । ସୂଚନା ଅନୁସାରେ ବିଳମ୍ବିତ ରାତିରେ ଏକ ୧୨ ଚକିଆ ଟ୍ରକ ଦେବଗଡରୁ ଅନୁଗୁଳ ଯାଇଥିବା ୬୩ନଂ ରାଜ୍ୟ ରାଜପଥରେ ଅନୁଗୁଳ ଯାଉଥିବା ବେଳେ ରାତି ପ୍ରାୟ ଗୋଟେ ସମୟରେ ଛେଣ୍ଡିପଦା ଥାନା ଛକ ୪ ଛକ ନିକଟରେ ଭାରସାମ୍ୟ ହରାଇ ରାସ୍ତା କଡରେ ଥିବା ଏକ ଗଦି ଦୋକାନ ଏବଂ ରବି ସାହୁଙ୍କର ଇଲେଟ୍ରୋନିକ୍ସ ଦୋକାନକୁ ଧକ୍କା ଦେଇ ଭିତରକୁ ପଶିଯାଇଥିଲା । ଫଳରେ ଦୋକାନ ଘର ଦୁଇଟି ସମ୍ପୁର୍ଣ୍ଣ ଭାଙ୍ଗିଯିବା ଯିବା ସହ ଦୋକାନ ଭିତରେ ଥିବା ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇ ଯାଇଛି । ଏହି ଦୁର୍ଘଟଣାରେ ଟ୍ରକରେ ଥିବା ଚାଳକ  ଅଳ୍ପକେ ବର୍ତ୍ତି ଯାଇ ଥିବା ଜଣା ପଡିଛି । ତେବେ ରାତି ହୋଇଥିବାରୁ ଦୁର୍ଘଟଣାରେ କୌଣସି ଜନଜୀବନ ହାନି ହୋଇ ନଥିବା ବେଳେ ଘଟଣା ସ୍ଥଳରେ ପୋଲିସ ପହଞ୍ଚି ଟ୍ରକଟିକୁ ଜବତ କରି ଘଟଣାର ତଦନ୍ତ ଚଳାଇଛି । ଦୋକାନ ଦୁଇଟିକୁ କ୍ଷତିପୂରଣ ଯୋଗାଇଦେବା ପାଇଁ ବଣିକ ସଂଘ ତଥା ସ୍ଥାନୀୟ ଜନସାଧାରଣଙ୍କ ପକ୍ଷରୁ ଦାବି କରିଛନ୍ତି ।

Advertisement