ବିଚାରାଧୀନ କଏଦୀଙ୍କ ମୃତ୍ୟୁ

କଟକ – ଅନୁଗୁଳ ଜିଲ୍ଲାର ଜଣେ ବିଚାରଧୀନ କଏଦୀଙ୍କ କଟକ ବଡ଼ ମେଡ଼ିକାଲରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି । ମୃତକ ହେଉଛନ୍ତି ଛେଣ୍ଡିପଦା ଥାନା ଅନ୍ତର୍ଗତ ମାମୁରିଆ ଗାଁ ରୁଗୁଡ଼ିସାହିର ଜୟ ସାହୁ ବୋଲି ଜଣା ପଡିଛି । ସୂଚନା ଅନୁସାରେ , ମୃତ ଜୟ ସାହୁ ୨୦୨୧ ଡିସେମ୍ବର ୧୬ ତାରିଖରେ ଛେଣ୍ଡିପଦା ପୁଲିସ ଜୟ ସାହୁଙ୍କୁ ୨୦୦୯ ମସିହାରେ ଅବକାରୀ ବିଭାଗ ପକ୍ଷରୁ ହୋଇଥିବା ଏକ ପୁରୁଣା ଓ୍ବାରେଣ୍ଟରେ ଗିରଫ କରି କୋଟ ଚାଲାଣ କରିଥିଲା । ତେବେ ଆଜି ତାଙ୍କର ସ୍ୱାସ୍ଥ୍ୟ ଅବସ୍ଥା ବିଗିଡିବାରୁ ତାଙ୍କୁ କଟକ ବଡ଼ ମେଡ଼ିକାଲରେ ଭର୍ତ୍ତି କରା ଯାଇଥିଲା । ତେବେ ସେଠାରେ ତାଙ୍କର ମୃତ୍ୟୁ ହୋଇଥିବା ଖବର ସକାଳ ୧୧ ଟା ବେଳେ ତାଙ୍କ ପରିବାର ଲୋକ ପାଇଥିଲେ । ତେବେ ଜୟା ସାହୁଙ୍କ ମୃତ୍ୟୁ ଖବର ପରିବାର ଲୋକ ପାଇବା ପରେ ବାପା ଗୁରୁତର ଥିବା କି ମେଡ଼ିକାଲରେ ଚିକିତ୍ସା ହେବା ନେଇ ପରିବାର ଲୋକଙ୍କୁ ଜେଲ କର୍ତ୍ତୃପକ୍ଷଙ୍କ ପକ୍ଷରୁ କୌଣସି ସୂଚନା ପ୍ରଦାନ କରାଯାଇନଥିବା ଅଭିଯୋଗ ଆଣିଛନ୍ତି । ସୋମବାର ରାତିରୁ ଜୟଙ୍କୁ କଟକ ବଡ଼ ମେଡିକାଲ ନିଆଯାଇଥିଲେ ମଧ୍ୟ ପରିବାର ଲୋକଙ୍କୁ ଅବଗତ କରି ନଥିବା ଅଭିଯୋଗ ଆଣିଛନ୍ତି । ଅନୁଗୋଳ ଜେଲରୁ ଚୌଦ୍ବାର ଜେଲକୁ ଜୟ ସାହୁଙ୍କୁ ସ୍ଥାନାନ୍ତରିତ କରାଯିବା ପରେ ପରିବାର ଲୋକଙ୍କୁ ଅବଗତ କରାଯାଇଥିବା କଥା ତାଙ୍କ ପୁଅ ସୁଶିଲ ସାହୁ କହିଛନ୍ତି । ଏନେଇ ଅନୁଗୁଳ ଜେଲ ସୁପରିଡ଼େଣ୍ଟ ସୁଚିତ୍ରା ଦାସ କହିଛନ୍ତି ଯେ ଏହି ଅଭିଯୋଗ ସତ୍ୟ ନୁହଁ । ଜୟଙ୍କର ବାରମ୍ବାର ଦେହ ଖରାପ ରହୁଥିବାରୁ କଟକ ନିଆ ଯାଉଥିଲା । ପରେ କୋର୍ଟରୁ ଅନୁମତି ମିଳିବା ପରେ ଜୟଙ୍କୁ ଅନୁଗୁଳ ଜେଲରୁ ଚୌଦ୍ବାର ଜେଲକୁ ସ୍ଥାନାନ୍ତରିତ କରାଯାଇଥିଲା । ଏହାପରେ କଟକ ବଡ଼ ମେଡ଼ିକାଲରେ ଚିକିତ୍ସା ଚାଲିଥିଲା । ଏନେଇ ପରିବାର ଲୋକଙ୍କୁ ଅବଗତ କରାଯାଇଥିଲା । କିନ୍ତୁ ଚୌଦ୍ବାର ଜେଲରୁ ଚିକିତ୍ସା ପାଇଁ ଯିବା ପରେ ସେଠାରେ ପରିବାର ଲୋକଙ୍କୁ ଯୋଗାଯୋଗ କରିଥିବେ । ଏନେଇ ମୁଁ କିଛି ଜାଣି ନାହିଁ କି କହି ପାରିବି ନାହିଁ ବୋଲି ସେ କହିଛନ୍ତି ।

Advertisement