ମାଛ ମାରିବା ହେଲା କାଳ – ଛିଣ୍ଡିଲା ଦୁଇ ହାତ

ତାଳଚେର – ଅନୁଗୁଳ ଜିଲ୍ଲା ତାଳଚେର ଟାଉନ ପାଇକସାହି ଅଞ୍ଚଳରେ ଆଜି ଏକ ଅଭାବନୀୟ ଘଟଣା ଘଟିଛି । ମାଛ ମାରିବା ବେଳ ଜଣେ ବ୍ୟକ୍ତିଙ୍କର ଦୁଇ ହାତ ଛିଣ୍ଡି ଯାଇଛି । ସୂଚନା ଅନୁସାରେ ପାଇକସାହିର ଗଣେଶ୍ଵର ଥମ୍ବ ନାମକ ଜଣେ ବ୍ୟକ୍ତି ତାଳଚେର ଜଗନ୍ନାଥ ମନ୍ଦିର ସାମ୍ନା ଦେଇ ବହି ଯାଇଥିବା ବ୍ରାହ୍ମଣୀ ନଦୀକୁ ମାଛ ମାରିବାକୁ ଯାଇଥିଲେ । ଗଣେଶ୍ଵର ଡିନାମାଇଟ ସାହାଯ୍ୟରେ ମାଚା ମାରିବାକୁ ଉଦ୍ୟମ କରୁଥିବା ବେଳେ ଅସାବଧାନତା ବଶତଃ ଡିନାମାଇଟ ଫୁଟି ଯାଇଥିଲା । ଫଳରେ ଗଣେଶ୍ଵରଙ୍କ ଦୁଇ ହାତ ପାପୁଲି ଛିଣ୍ଡି ଯାଇଥିଲା । ସେଠାରେ ସେ ଗୁରୁତର ଅବସ୍ଥାରେ ପଡି ରହିଥିବା ବେଳେ ସ୍ଥାନୀୟ ଲୋକ ତାଙ୍କୁ ଉଦ୍ଧାର କରି ମଣ୍ଡାପାଳ ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ପ୍ରାଥମିକ ଚିକିତ୍ସା ପରେ ତାଙ୍କୁ କଟକ ସ୍ଥାନାନ୍ତର କରା ଯାଇଥିବା ଜଣା ପଡିଛି ।

Advertisement