ଟ୍ରେନରୁ ପଡି ଜଣେ ମୃତ

ଅନୁଗୋଳ – ଅନୁଗୋଳ ଜିଲ୍ଲା ବେଣାଗାଡ଼ିଆ ନିକଟରେ ଚଳନ୍ତା ଟ୍ରେନରୁ ପଡି ଜଣଙ୍କର ମୃତ୍ୟୁ ହୋଇଛି । ମୃତକ ଜଣଙ୍କ କେନ୍ଦ୍ରାପଡା ଅଞ୍ଚଳର ଛବିନ୍ଦ୍ର କୁମାର ଗୋଛୟତ ବୋଲି ଜଣା ପଡ଼ିଛି । ସେ ବଡ଼ମାଳ ଅଞ୍ଚଳର ଏକ କମ୍ପାନୀରେ କାମ କରୁଥିଲେ । ଆଜି ସକାଳେ ବେଣାଗାଡ଼ିଆ ରେଳ ଧାରଣା କଡରୁ ତାଙ୍କ ମୃତଦେହ ଠାବ ହେବା ପରେ ରେଲୱେ ପୁଲିସ ଘଟଣା ସ୍ଥଳରେ ପହଞ୍ଚିଥିଲା । ପ୍ରାଥମିକ ତଦନ୍ତ ପରେ ଅନୁଗୋଳ ସଦର ଥାନା ପୁଲିସକୁ ମାମଲା ହସ୍ତାନ୍ତର କରାଯାଇଛି । ତେବେ ସେ ପୁରୀ-ଦୁର୍ଗ ଟ୍ରେନରେ ଯାତ୍ରା କରୁଥିବା ବେଳେ କୌଣସି କାରଣ ବଶତଃ ଟ୍ରେନରୁ ପଡି ଯାଇଥିବା ସନ୍ଦେହ କରା ଯାଉଛି ।

Advertisement