ନଦୀରେ ଗୋଡ଼ ଖସି ଜଣେ କାଉଡିଆ ମୃତ

ଆଠମଲ୍ଲିକ – ଅନୁଗୁଳ ଜିଲ୍ଲା ଆଠମଲ୍ଲିକ ବିନିକେୟୀ ପୀଠ ନିକଟରେ ମହାନଦୀରେ ଗୋଡ ଖସିଯାଇ କାଉଡ଼ିଆ ମୃତ୍ଯୁ ହୋଇଥିବା ଜଣା ପଡିଛି । ମୃତକ ଜଣଙ୍କ ବଅଁରପାଳ ଥାନା ଜୁରାଗାଡ଼ିଆ ଗାଁର ଶ୍ରୀକାନ୍ତ ସାହୁଙ୍କ ପୁଅ ସରଜୁ ସାହୁ ବୋଲି ସୁଚନା ମିଲିଛି । ମିଳିଥିବା ସୂଚନା ମୁତାବକ ଜୁରାଗାଡ଼ିଆ ଗ୍ରାମର ସରଜୁ ସାହୁ (୨୫) ଦେଉଳଝରୀରେ ଜଳଲାଗି କରି ବିନିକେୟୀ ପୀଠରେ ଖାଇସାରି ହାତ ଧୋଇବାକୁ ଯାଇଥିବା ବେଳେ ଗୋଡ଼ ଖସିଯିବାରୁ ମହାନଦୀ ପାଣିରେ ବୁଡି ଯାଇଥିଲେ l ସ୍ଥାନୀୟ ଲୋକଙ୍କ ଚେଷ୍ଟା ରେ ତାଙ୍କୁ ଗଭୀର ପାଣିରୁ ଉଦ୍ଧାର କରାଯାଇଥିଲା  l ତାଙ୍କୁ ତୁରନ୍ତ ଆଠମଲ୍ଲିକ ଡାକ୍ତରଖାନା ଭର୍ତ୍ତି କରା ଯାଇଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ  l

Advertisement