ବୋଇତ ବନ୍ଦାଣ ବେଳେ ଅଘଟଣ – କେନାଲରେ ଭାସି ଯାଇ ଯୁବକ ମୃତ

ଅନୁଗୁଳ – ବୋଇତ ବନ୍ଦାଣ ବେଳେ ଅଘଟଣ । ଡଙ୍ଗା ଭସାଇବା ବେଳେ କେନାଲରେ ଭାସି ଯାଇ ଯୁବକ ମୃତ । ଏଭଳି ଘଟଣା ଅନୁଗୁଳ ଜିଲ୍ଲା ତାଳଚେର , ସମଲ ରାଇଟ କେନାଲରେ ଘଟିଛି । ମୃତ ଯୁବକ ଜଣଙ୍କ ପାଲଲହଡ଼ା ଚଷାଗୁରୁଜାଙ୍ଗର ଆଶିଷ କୁମାର ସାହୁ ବୋଲି ଜଣା ପଡ଼ିଛି । ସୂଚନା ଅନୁସାରେ ଆଶିଷ ଛୋଟ ବେଳୁ ତାଙ୍କ ମାମୁଁ ଘର କଙ୍କିଳି ଗାଁରେ ରହି ଆସୁଥିଲେ । ସେ ଏକ ଘରୋଇ ଗାଡି ଫାଇନାନ୍ସ କମ୍ପାନୀରେ ଚାକିରୀ ମଧ୍ୟ କରିଥିଲେ । ଆଜି ସକାଳେ ସେ ଗାଁ ଯୁବକ ମାନଙ୍କ ସହ ଡଙ୍ଗା ଭସାଇବାକୁ କେନାଲକୁ ଯାଇଥିବା ବେଳେ ଗୋଡ଼ ଖସି ଯିବାରୁ ଗଭୀର ପାଣିକୁ ଚାଲି ଯାଇଥିଲେ । ସ୍ଥାନୀୟ ଲୋକ ତାଙ୍କୁ ପାଣିରୁ ଉଦ୍ଧାର କରି ମଣ୍ଡାପାଳ ହସପିଟାଲରେ ଭର୍ତ୍ତି କରିଥିଲେ ମଧ୍ୟ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।

Advertisement