ଅନୁଗୁଳ – ଅନୁଗୁଳ ଜିଲ୍ଲାରେ କରୋନା କାୟା ବିସ୍ତାର କରିବାରେ ଲାଗିଛି । ଏହି ଜିଲ୍ଲାର ସଂକ୍ରମଣ ହାର ସଂପ୍ରତି ରାଜ୍ୟରେ ସର୍ବାଧିକ ରହିଛି । ସଂକ୍ରମଣ ହାରରେ ଖୋର୍ଦ୍ଧା ଜିଲ୍ଲାକୁ ପଛରେ ପକାଇ ଏକ ନମ୍ବର ସ୍ଥାନରେ ରହିଛି ଅନୁଗୁଳ । କେନ୍ଦ୍ର ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ତରଫରୁ ମିଳିଥିବା ସୂଚନା ଅନୁଯାୟୀ, ଅନୁଗୁଳ ଜିଲ୍ଲାରେ ଗତ ଏକ ସପ୍ତାହ ଅର୍ଥାତ ମେ’ ୧୦ରୁ ୧୬ ତାରିଖ ମଧ୍ୟରେ ସଂକ୍ରମଣ ହାର ୩୬.୩ ପ୍ରତିଶତ ରହିଛି । ଅର୍ଥାତ ଜିଲ୍ଲାରେ ପରୀକ୍ଷା ହେଉଥିବା ୧୦୦ଟି ନମୁନା ମଧ୍ୟରୁ ୩୬ଟି ନମୁନାର ରିପୋର୍ଟ ପଜିଟିଭ ରହୁଛି । ଅନୁଗୁଳ ପଛକୁ ଦ୍ୱିତୀୟ ସ୍ଥାନରେ ରହିଛି ଖୋର୍ଦ୍ଧା ଜିଲ୍ଲା । ଏହି ଜିଲ୍ଲାରେ ସଂକ୍ରମଣ ହାର ୩୬.୭ପ୍ରତିଶତ ରହିଛି । ତେବେ ପୂର୍ବ ସପ୍ତାହ ଅର୍ଥାତ ମେ’ ୯ରୁ ୧୫ ତାରିଖ ମଧ୍ୟରେ ଏହି ଗୋଟିଏ ସପ୍ତାହରେ ସଂକ୍ରମଣ ହାର ୩୫ପ୍ରତିଶତ ଥିଲା । ଖୋର୍ଦ୍ଧା ଜିଲ୍ଲାରେ ୩୭.୫ପ୍ରତିଶତ ରହିଥିଲା । ଅନୁଗୁଳ ଜିଲ୍ଲା ଦ୍ୱିତୀୟ ସ୍ଥାନରେ ଥିଲା । କିନ୍ତୁ ଏବେ ପ୍ରଥମ ସ୍ଥାନକୁ ଉଠିଛି ।
ଅପରପକ୍ଷେ ଜିଲ୍ଲା ପ୍ରଶାସନ ତରଫରୁ ଦିଆଯାଇଥିବା ସୂଚନା ଅନୁଯାୟୀ, ସୋମବାର ଜିଲ୍ଲାରେ ୫୩୭ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ୨୫ ହଜାର ୪୩୩ରେ ପହଞ୍ଚିଥିବା ବେଳେ ସେଥିରୁ ୧୮ହଜାର ୭୩୨ଜଣ ସୁସ୍ଥ ହୋଇଛନ୍ତି । ୫ହଜାର ୮୬୯ ଜଣଙ୍କ ଚିକିତ୍ସା ଚାଲିଛି । ଏହା ସହ ୬୪ଜଣଙ୍କ ମୃତ୍ୟୁ ହୋଇଛି । ଏଥିପାଇଁ ବର୍ତ୍ତମାନ ସମୟରେ ରାଜ୍ୟ ସରକାର ଓ ଜିଲ୍ଲା ପ୍ରଶାସନ ନେଉଥିବା ପଦକ୍ଷେପ ସହ ନିଜେ ନିଜକୁ ସତର୍କ ଓ ସଚେତନ ରଖିବା ଦରକାର । ନଚେତ ଏହି ସଙ୍କରମାନର ମାତ୍ରାରେ ଲଗାମ ଲାଗିବା କଷ୍ଟକର ହୋଇ ପଡିବ ।
Advertisement
