ଅନୁଗୁଳ – ଭିଜିଲାନ୍ସ ହାତରେ ଧରା ପଡିଛନ୍ତି ଅନୁଗୁଳ ଜିଲ୍ଲା ବନ୍ତଳା ଥାନା ସବ ଇନିସପେକ୍ଟର ପ୍ରମୋଦ ନାୟକ । ସୂଚନା ଅନୁସାରେ ବନ୍ତଳା ଥାନାରେ କାର୍ଯ୍ୟରତ ସବ ଇନିସପେକ୍ଟର ପ୍ରମୋଦ ନାୟକ ୬ ହଜାର ଟଙ୍କା ଲାଞ୍ଚ ନେଉଥିବା ବେଳେ ଅନୁଗୁଳ ଭିଜିଲାନ୍ସ ବିଭାଗ ତାଙ୍କୁ କାବୁ କରିଥିଲା । ବନ୍ତଳା ଅଞ୍ଚଳର କବିତା ନାୟକ ତାଙ୍କ ଗାଡି (ମୋଟର ସାଇକେଲ )ରିଲିଜ କରିବା ପାଇଁ ବନ୍ତଳା ଥାନାକୁ ଯାଇଥିଲେ । ସେଠାରେ ସବଇନିସ୍ପେକ୍ଟର ୬ ହଜାର ଟଙ୍କା ଲାଞ୍ଚ ମାଗିଥିଲେ । ୬ ହଜାର ଟଙ୍କା ଲାଞ୍ଚ ନେବା ପରେ ଗାଡି ଶୀଘ୍ର ରିଲିଜ କରିବା ପାଇଁ ସବ ଇନିସପେକ୍ଟର କହିଥିଲେ । କବିତା ନାୟକ ଏହି ଘଟଣାକୁ ନେଇ ଅନୁଗୁଳ ଭିଜିଲାନ୍ସ ବିଭାଗର ଦ୍ୱାରସ୍ଥ ହୋଇଥିଲେ । ଆଉ ପୂର୍ବ ପ୍ରସ୍ତୁତି ଅନୁଯାୟୀ ଆଜି ସନ୍ଧ୍ୟା ସମୟରେ ଲାଞ୍ଚ ନେବା ବେଳେ ସବ ଇନିସିପେକ୍ଟର ପ୍ରମୋଦ ନାୟକଙ୍କୁ ଭିଜିଲାନ୍ସ ବିଭାଗ ତାଙ୍କୁ କାବୁ କରିଥିଲା । ଅନୁଗୁଳ ଭିଜିଲାନ୍ସ ବିଭାଗର ଡ଼ିଏସପି ରବିକାନ୍ତ ସୁନା , ଇନିସ୍ପେକ୍ଟର ପ୍ରଦୀପ ସାମଲ , ଇନିସପେକ୍ଟର ଅନିରୁଦ୍ଧ ନାୟକ ଓ ଅନ୍ୟ ଭିଜିଲାନ୍ସ ବିଭାଗର ଅଧିକାରୀ ସବ ଇନିସପେକ୍ଟରଙ୍କୁ କାବୁ କରିବା ସମୟରେ ଉପସ୍ଥିତ ଥିଲେ ।
Advertisement
