ଅନୁଗୁଳ – ଅନୁଗୁଳ ଜିଲ୍ଲାରେ ବେଆଇନ ଗଞ୍ଜେଇ ଚାଷ ଥମିବାର ନାଁ ନେଉନି । ବାରମ୍ବାର ପୁଲିସ ଓ ଅବକାରୀ ବିଭାଗର ଚଢ଼ାଉ ପରେ କିଛି ବର୍ଷ ଏହି ଗଞ୍ଜେଇ ମାଫିଆ ମାନେ ଗଞ୍ଜେଇ ଚାଷରୁ କ୍ଷାନ୍ତ ପଡିବା ପରେ ଏବେ ପୁଣି ବିଭିନ୍ନ ସ୍ଥାନରେ ବେଆଇନ ଗଞ୍ଜେଇ ଚାଷ କରୁଛନ୍ତି । ମୁଖ୍ୟତଃ ଜଙ୍ଗଲ ଜମି ଓ ପାହାଡିଆ ଅଞ୍ଚଳ ଏବେ ଗଞ୍ଜେଇ ଚାଷୀଙ୍କ ଚରାଭୂମି ପାଲଟିଛି । ଏଭଳି ବେଆଇନ ଗବଜେଇ ଚାଷ ହୋଇଥିବା ଖବର ପାଇ ଆଜି ପୁରୁଣାକୋଟ ପୁଲିସ ଓ ଅନୁଗୁଳ ସ୍ପେଶାଲ ପୁଲିସ ଟିମ ପୁରୁଣାକୋଟ ଥାନା ଅଞ୍ଚଳର କନ୍ଧକୋଇଲି , ମୁଣ୍ଡାସାହି ଓ ବାଲିଜେରେଙ୍ଗରେ ବେଆଇନ ଗଞ୍ଜେଇ ଚାଷ ଉପରେ ଚଢ଼ାଉ କରିଥିଲେ । ଏହି ଚଢ଼ାଉ ବେଳେ ପ୍ରାୟ ୪ ଏକର ଜମିରୁ ଚାଷ ହୋଇଥିବା ପ୍ରାୟ ୬ ହଜାର ପରିପକ୍ୱ ଗଛ କଟା ଯାଇଥିଲା । ପରେ ପୁଲିସ ଏହି ସବୁ ଗଞ୍ଜେଇ ଗଛକୁ ପୋଡି ନଷ୍ଟ କରିଦେଇଛି ।
Advertisement
