ଛେଣ୍ଡିପଦା – ଅନୁଗୁଳ ଜିଲା ଛେଣ୍ଡିପଦା ବନାଞ୍ଚଳ କୋଶଳା ଭାଗଲାକଟା ପ୍ରଧାନ ବନ୍ଧ ନିକଟରୁ ବନବିଭାଗ ଶାଗୁଆନ କାଠଗଣ୍ଡି ବୋଝେଇ ଏକ ଭ୍ୟାନକୁ ଜବତ କରିବା ସହିତ ଜଣକୁ ଗିରଫ କୋର୍ଟ ଚାଲଣ କରିଛି । ଗିରଫ ଯୁବକ ଜଣକ ହେଲ କୋଶଳା ଗ୍ରାମର ମହେଶ୍ବର ବେହେରା ବୋଲି ଜଣାପଡିଛି । ସୂଚନା ଅନୁସାରେ ସୋମବାର ଛେଣ୍ଡିପଦା ପୁଲିସ କୋଶଳାରୁ ବ୍ରାହ୍ମଣବିଲ ଯାଇଥିବା ରାସ୍ତାରେ ପେଟ୍ରାଲିଂ କରୁଥିବା ବେଳେ ଏକ (ଓଡି ୧୯ ଏଚ ୪୮୩୧) ପିକଅପ ଭ୍ୟାନ ଦ୍ରୁତ ଗତିରେ ଆସୁଥିବା ଦେଖି ପୁଲିସ ଉକ୍ତ ପିକଭ୍ୟାନକୁ ଅଟକାଇ ଯାଞ୍ଚ କରିଥିଲେ । ଯାଞ୍ଚ ବେଳେ ଗାଡିରେ ଚୋରା ଶାଗୁଆନ କାଠ ଗଣ୍ଡି ବୋଝେଇ ହୋଇଥିବା ଦେଖି ପୁଲିସ ବନବିଭାଗକୁ ଖବର ଦେଇଥିଲେ । ଖବରପାଇ ଫରେଷ୍ଟର ପଦ୍ମଚରଣ ସାହୁ , ଫରେଷ୍ଟ୍ ଗାର୍ଡ଼ ସିତୁ ବେହେରା ପ୍ରମୁଖ ଘଟଣାସ୍ଥଳରେ ପହଞ୍ଚି ପିକଅପ ଭ୍ୟାନକୁ ଜବତ କରିବା ଗାଡିର ମାଲିକ ମହେଶ୍ବରଙ୍କୁ ଗିରଫ କରିଥିଲେ । ପିକଅପ ଭ୍ୟାନରେ ମହେଶ୍ବର ୧୭ଟି ଶାଳଗଣ୍ଡି ଯାହା ୩୮ ସିଫ୍ଟରୁ ଉର୍ଦ୍ଧ୍ବ ହେବ ବୋଲି ବନବିଭାଗ ପ୍ରକାଶ କରିଥିବା ବେଲେ ଏନେଇ ବନାଞ୍ଚଳ କେସ ନଂ ୧୨ରେ ମାମଲା ରୁଜୁ କରାଯାଇ ମହେଶ୍ବରଙ୍କୁ ମଙ୍ଗଳବାର ଅପରାହ୍ନରେ କୋର୍ଟ ଚାଲାଣ କରାଯାଇଛି ।
Advertisement
