ଅନୁଗୋଳ – ଅନୁଗୋଳ ଜିଲ୍ଲା କୁଇଓ ଗାଁରେ ହୋଇଥିବା ଲୋମଟାଙ୍କୁରା ଖୁସି ହତ୍ୟା ଘଟଣାର ୧୯ ଦିନ ପରେ ଅଭିଯୁକ୍ତ ସୌମ୍ୟ ରଞ୍ଜନ ବେହେରାକୁ ପୁଲିସ ଧରିବାରେ ସଫଳ ହୋଇଛି । ତାକୁ ଗତକାଲି ଝାରସୁଗୁଡା ଅଂଚଳରୁ ଧରିବା ପରେ ଆଜି ଅନୁଗୋଳ ସଦର ଥାନାକୁ ଅଣା ଯାଇଥିଲା । ଅପରାହ୍ନରେ ପୁଲିସ ମାଜିଷ୍ଟ୍ରେଟଙ୍କ ଉପସ୍ଥିତିରେ କ୍ରାଇମ ସିନ୍ ରିକ୍ରିଏସନ କରିଛି । ସଦର ଥାନା ପୁଲିସ ପ୍ରାୟ ୩ ଟା ବେଳେ ଅଭିଯୁକ୍ତ ସୌମ୍ଯ ରଞ୍ଜନ କୁଇଓ ଗାଁକୁ ନେଇଥିଲା । କାଳେ କୌଣସି ଅପ୍ରିତିକର ପରିସ୍ଥିତି ଘଟିବ ସେଥିପାଇଁ ଗାଁରେ ବ୍ଯାପକ ପୁଲିସ ମୃତୟନ କରା ଯାଇଥିଲା । ସୁରକ୍ଷାବଳୟ ଭିତରେ ସୌମ୍ଯ ଗାଁରେ ପହଂଚି ଗାଁକୁ କିଭଳି ମୋଟରସାଇକେଲରେ ଆସି କେଉଁଠି ମୋଟରସାଇକେଲ ରଖିଥିଲା , ଆଉ କିଭଳି ଘର ଭିତରକୁ ଯାଇ ଖୁସିକୁ ହତ୍ଯା କରିଥିଲା ତାର ଡେମୋ ଦେଖାଈଥିଲା । ପରେ ପୁଲିସ ପୁଣି ଥାନାକୁ ନେଇ ଅଧିକ ପଚରାଉଚୁରା ଜାରି ରଖିଛି ।
Advertisement
