ପିତୃ ଦିବସରେ ବିଧାୟକ ବ୍ରଜ କିଶୋରଙ୍କ ପିତୃ ବିୟୋଗ

ତାଳଚେର – ଅନୁଗୋଳ ଜିଲ୍ଲା ତାଳଚେର ବିଧାୟକ ବ୍ରଜ କିଶୋର ପ୍ରଧାନଙ୍କ ପିତୃ ବିୟୋଗ ହୋଇଛି । ବ୍ରଜ କିଶୋର ପ୍ରଧାନଙ୍କ ବାପା ପୂର୍ଣ୍ଣ ଚନ୍ଦ୍ର ପ୍ରଧାନ ଜଣେ ଅବସରପ୍ରାପ୍ତ ଭାରତୀୟ ସେନା ବାହିନୀର କର୍ମଚାରୀ ଥିଲେ । ସେ ଗତ କିଛିଦିନ ହେଲା ଅସୁସ୍ଥ ଥିବା ବେଳେ ଭୁବନେଶ୍ୱରର ଏକ ଘରୋଇ ଡାକ୍ତରଖାନାରେ ଚିକିତ୍ସାଧୀନ ଥିଲେ । ମୃତ୍ୟୁ ବେଳକୁ ତାଙ୍କୁ ୮୫ ବର୍ଷ ହୋଇଥିଲା । ତାଙ୍କ ମୃତ୍ୟୁରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ , ଉପ-ବାଚସ୍ପତି ରଜନୀକାନ୍ତ ସିଂହ , ଜିଲ୍ଲାର ସମସ୍ତ ବିଧାୟକ , ଯୁବ କଲ୍ୟାଣ ବୋର୍ଡ ଅଧ୍ୟକ୍ଷ କୁନୁ ବିହାଫି ଦାସ ସମେତ ବହୁ ବରିଷ୍ଠ ନେତା ଗଭୀର ଶୋକ ପ୍ରକାଶ କରିଛନ୍ତି । ଆଜି ଦିନରେ ସମଗ୍ର ରାଷ୍ଟ୍ର ପିତୃ ଦିବସ ପାଳନ କରୁଥିବା ବେଳେ ବିଧାୟକ ବ୍ରଜ କିଶୋର ତାଙ୍କ ପିତାଙ୍କୁ ହରାଇବା ପରିବାରଙ୍କୁ ଧର୍ଯ୍ୟ ଓ ସାହସ ଦେବାକୁ ଭଗବାନଙ୍କ ନିକଟରେ ଅନେକ ସମର୍ଥକ ଓ ନେତା ପ୍ରାର୍ଥନା କରିଛନ୍ତି  ।

Advertisement