ଅନୁଗୋଳ – ଗଞ୍ଜେଇ ଗାଡି ଧକ୍କାରେ ମହିଳା ମୃତ । ଏଭଳି ଘଟଣା ଅନୁଗୋଳ ଜିଲ୍ଲା ମହିଧରପୁର ନିକଟରେ ଘଟିଛି । ସୂଚନା ଅନୁସାରେ ଅନୁଗୋଳ-କଟକ ପୁରୁଣା ରାଜ୍ୟ ରାଜପଥରେ ବନ୍ତଳା ପଟରୁ ଏକ କାର ଦ୍ରୁତ ଗତିରେ କଟକ ଆଡକୁ ଯାଉଥିଲା । ମହିଧରପୁର ଗାଁ ନିକଟରେ ଜଣେ ମହିଳା ରାସ୍ତା ପାର ହେଉଥିବା ବେଳେ ଉକ୍ତ କାରଟି ମହିଳାଙ୍କୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ହିଁ ସେହି ଗାଁର ସୁଷମା ପ୍ରଧାନ ନାମକ ମହିଳାଙ୍କ ମୃତ୍ୟୁ ହୋଇଥିଲା । ଏହାକୁ ନେଇ ଉତ୍ତେଜନା ଦେଖାଦେଇ ଥିଲା । ଉତ୍ତ୍ୟକ୍ତ ଲୋକ କାରରେ ଥିବା ଦୁଇ ଜଣଙ୍କୁ ଅଟକ ରଖି ମାଡ଼ ପିଟ କରିଥିଲେ । ସେତିକି ବେଳେ କାରରେ ବିପୁଳ ପରିମାଣର ଗଞ୍ଜେଇ ଠାବ କରା ଯାଇଥିଲା । ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି କାର ସହ ଗଞ୍ଜେଇ , ଚାଳକ ଓ ଅନ୍ୟ ଜଣଙ୍କୁ ଉଦ୍ଧାର କରିଥିବା ବେଳେ ଗାଁରେ ଦୁର୍ଘଟଣାକୁ ନେଇ ଉତ୍ତେଜନା ଲାଗି ରହିଛି । ଫଳରେ ଉଭୟ ପାର୍ଶ୍ଵରେ ଗାଡି ମୋଟର ଅଟକି ରହିଛି ।
Advertisement
