ଛେଣ୍ଡିପଦା- ଅନୁଗୁଳ ଜିଲ୍ଲା ବାଗଡିଆ ଥାନାରେ ଅଭିଯୋଗ କରି ଆସିଥିବା ଦମ୍ପତିଙ୍କୁ ମହିଳା ଏଏସଆଇ ମାଡ଼ମାରିଥିବା ନେଇ ପିପଳବାହଳ ଗ୍ରାମର ଦମ୍ପତି ବାଗଡିଆ ଥାନାରେ ଲିଖିତ ଅଭିଯୋଗ କରିଛନ୍ତି । ଘଟଣାରୁ ପ୍ରକାଶ ପିପଳବାହଳ ଗ୍ରାମରେ ଜମି ଭଗବାଣ୍ଟା କେନ୍ଦ୍ରକରି ପୁତୁରାଙ୍କ ନାମରେ ବାଗଡିଆ ଥାନାରେ ଅଭିଯୋଗ କରିବାକୁ ଦମ୍ପତି ଆସିଥିଲେ । ଏନେଇ ଉଭୟ ଗୋଷ୍ଠୀଙ୍କୁ ବୁଧବାର ପୂର୍ବାହ୍ନରେ ଥାନାରେ ହାଜର ହେବା ପାଇଁ ଥାନା ପକ୍ଷରୁ ଫୋନ ଯାଇଥିଲା । କିନ୍ତୁ ଅଭିଯୋଗକାରୀ ଥାନାକୁ ଆସିବା ପାଇଁ ଗାଡ଼ି ନପାଇବାରୁ ସନ୍ଧ୍ୟାରେ ଥାନାରେ ହଜାର ହୋଇଥିଲେ । ଏହି ସମୟରେ ମହିଳା ଥାନା ଏସ୍ଆଇ କାହିଁକି ବିଲମ୍ୱରେ ପହଞ୍ଚିଲ କହି ଗାଳି କରିବା ସହ ଚାପୁଡ଼ା ପକାଇଥିଲେ ବୋଲି ଅଭିଯୋଗ ହୋଇଛି । ବୁଧୁଙ୍କୁ ମାଡ଼ ମାରୁଥିବାବେଳେ ତାଙ୍କ ସ୍ତ୍ରୀ ଦେବକୀ ପ୍ରତିବାଦ କରିବାରୁ ତାଙ୍କୁ ମଧ୍ୟ ଚାପୁଡ଼ା ମାରିଥିବା ଅଭିଯୋଗରେ ଦର୍ଶାଇଛନ୍ତି । ଏନେଇ ଦମ୍ପତି ଥାନାରେ ଲିଖିତ ଅଭିଯୋଗ କରିଛନ୍ତି l .
Advertisement
