ଅନୁଗୁଳ – ଅନୁଗୁଳ ଜିଲ୍ଲା ନାଲକୋ ପୁଲିସ କବଜାରେ ପଞ୍ଜାବର ଦୁଇ ଅପରାଧୀ । ଯେଉଁମାନେ ଅନୁଗୁଳ ଜିଲାରେ ରହି ବିଭିନ୍ନ ପ୍ରକାର ଅପରାଧ ଘଟାଉ ଥିବା ଜଣା ପଡିଛି । ଏକ ମୋଟରସାଇକେଲ ଚୋରି ଘଟଣାର ତଦନ୍ତ ବେଳେ ଏହି ଦୁଇଜଣଙ୍କୁ ପୁଲିସ ଗିରଫ କରବାରେ ସଫଳ ହୋଇଥିବା ବେଳେ ସେମାନଙ୍କ ନିକଟରୁ ବିଭିନ୍ନ ପ୍ରକାରର ମାରଣାସ୍ତ୍ର ଜବତ କରିଛି । ସୂଚନା ଅନୁସାରେ ଅନୁଗୁଳ ଜିଲ୍ଲା ନାଲକୋ ଅନ୍ତର୍ଗତ କାଣ୍ଡସର ଶଙ୍କର ବେହେରାଙ୍କ କଳା ରଙ୍ଗର ପଲସର ମୋଟରସାଇକେଲ ( ଓଡ଼ି ୩୫ ବି ୮୬୩୫ ) ଚୋରି ହୋଇଥିଲା । ଏ ସମ୍ପର୍କରେ ନାଲକୋ ଥାନାରେ ଶଙ୍କର ଲିଖିତ ଅଭିଯୋଗ କରିଥିଲେ । ଅଭିଯୋଗକୁ ଭିତ୍ତି କରି ପୁଲିସ ଏକ ମାମଲା ରୁଜୁ କରି ତଦନ୍ତ କରିଥିଲା । ତେବେ ଏହି ତଦନ୍ତ ବେଳେ କୌଣସି ସୂତ୍ରରୁ ସୂଚନା ପାଇଁ କାଣ୍ଡସର ଗ୍ରାମର ମାନସ ବେହେରାଙ୍କ ଏକ ଭଡା ଘରେ ପୁଲିସ ଚଢାଉ କରିଥିଲା । ଚଢାଉ ବେଳେ ସେଠାରୁ ଚୋରି ହୋଇଥିବା ମୋଟରସାଇକେଲ ସହ ଦୁଇ ଅଭିଯୁକ୍ତଙ୍କୁ ମଧ୍ୟ ଗିରଫ କରିବାରେ ସକ୍ଷମ ହୋଇଥିଲା । ସେମାନଙ୍କ ନିକଟରୁ ଦୁଇଟି ପିସ୍ତଲ , ଖଣ୍ଡା ଭଳି ମାରଣାସ୍ତ୍ର ସହ ଏକ ଲାପଟପ ଏବଂ ମୋବାଇଲ ଜବତ କରିଛି ନାଲକୋ ପୁଲିସ । ଗିରଫ ହୋଇଥିବା ଦୁଇ ଅଭିଯୁକ୍ତ ହେଲେ ପଞ୍ଜାବ ରାଜ୍ୟର ରିଙ୍କୁ ଖାନ୍ ଓ ସର୍ଜିତ ସିଂହ । ରିଙ୍କୁ ଖାନ୍ ନାମରେ ପୂର୍ବରୁ ଅପରାଧିକ ମାମଲା ଥିବା ପୋଲିସ ପକ୍ଷରୁ ସୂଚନା ରହିଅଛି । ଦୁଇ ଅଭିଯୁକ୍ତକୁ ଗିରଫ କରିବା ସହ ନାଲକୋ ଥାନା କେସ ନମ୍ବର ୯୫/୨୦୨୧, ୟୁ/ଏସ ୩୭୯/୩୪ଆଇପିସି/୨୫ ଆର୍ମସ ଆକ୍ଟରେ ମାମଲା ରୁଜୁ ହୋଇଥିବା ପୁଲିସ ପକ୍ଷରୁ ସୂଚନା ପ୍ରଦାନ କରିଛନ୍ତି ।
Advertisement
